રેકોર્ડ / એક સમયે 2 સીટોથી શરૂ કરનારી ભાજપે આજે રચી નાંખ્યો ઈતિહાસ

જોકે BJPના ઇતિહાસની વાત કરવામાં આવે તો એક સમય એવો હતો કે માત્ર 2 સીટ મળી હતી અને કોંગ્રેસ તે સમયે ચૂંટણીમાં 400થી વધારે સીટ મેળવવા માટે સફળ થઇ હતી.

તત્કાલિકન પ્રધાનમંત્રી ઇન્દિરા ગાંધીની હત્યા પછી 1984માં લોકસભાની ચૂંટણી થઇ. જોકે અસમ અને પજાંબમાં 1985 સુધી ચૂંટણી રોકવી પડી. ઇન્દિરા ગાંધીની હત્યાના કારણે આ ચૂંટણીમાં કોંગ્રેસને ભારે સહાનુભૂતિ મળી. આજ કારમે 514 સીટ પર થયેલી ચૂંટણીમાં કોંગ્રેસ પાર્ટીના 404 સાંસદ જીત્યા.

1984માં થયેલી લોકસભા ચૂંટણીમાં TDPને 30 સીટ મળી અને તે બીજી સૌથી મોટી પાર્ટી બની ગઇ. આ પહેલી વખત હતુ જ્યારે એક ક્ષેત્રીય પાર્ટી પ્રમુખ વિપક્ષના રૂપમાં આગળ આવી હોય. ચૂંટણી પછી રાજીવ ગાંધી પ્રધાનમંત્રી બન્યા.

આ ચૂંટણીમાં કુલ મતદાતાઓના 49.10% વોટ કોંગ્રેસને મળ્યા. ત્યારે ભાજપને માત્ર 2 સીટ મળી હતી. પરંતુ ભાજપનો વૉટ શૅર 7.74% રહ્યો. આ પછીના વર્ષોમાં ભાજપને વૉટ શૅર વધતા ગયા. 

1984 પછી 1989ની લોકસભા ચૂંટણીમાં કોંગ્રેસને અહીં 39.53 ટકા વોટ મળ્યા હતા. જ્યારે બીજેપીનો વોટ શેર વધીને 11.36 % થયા હતા. ત્યારપછીની ચૂંટણીમાં બીજેપીને 1991માં 20.11 %, 1996માં 20.29 %, 1998માં 25.59 %, 1999માં 23.75 %, 2004માં 22.16 %, 2009માં 18.80 % અને 2014માં 31.34 % વોટ મળ્યા હતા. તે ઉપરાંત ત્યારે બીજેપીની સીટોની સંખ્યા 1989માં 85, 1991માં 120, 1996માં 161, 1998માં 182, 2004માં 138, 2009માં 116 અને 2014માં 282એ પહોંચી ગઈ હતી.

શું છે લોકસભા ચૂંટણી 2019નું રિઝલ્ટઃ 
2019ની લોકસભા ચૂંટણીની મતગણતરી થઈ રહી છે. રુઝાન પ્રમાણે બીજેપી સ્પષ્ટ બહુમતીથી જીતતી જોવા મળી રહી છે. એનડીએ સીટોની સંખ્યા 300 પાર કરતી જોવા મળી રહી છે. વોટ શેરમાં બીજેપી ઘણી આગળ વધતી જોવા મળી છે. યુપી, બિહારથી લઈને પશ્ચિમ બંગાળ સુધી બીજેપીએ ખૂબ સારુ પ્રદર્શન કર્યું છે.