IPLIN
 

Ind Vs Ban 1st Test / ટીમ ઈન્ડિયાએ બાંગ્લાદેશને આપ્યો 513 રનનો ટાર્ગેટ, પૂજારાએ ચાર વર્ષ બાદ શતક મારી, શુભમનનો પણ જલવો

Team VTV 04:42 PM, 16 Dec 22
Follow us
India gave 513 run target to Bangladesh in 1st test match day 3

ભારત અને બાંગ્લાદેશની વચ્ચે 2 મેચોની ટેસ્ટ સીરીઝની પહેલી મેચ ચટગ્રામમાં થઇ રહી છે. આજે મેચનો ત્રીજો દિવસ છે અને ભારતે પહેલી ઇનિંગમાં 404 રનો બનાવ્યાં છે તો બીજી ઇનિંગમાં 258 રન બનાવ્યાં છે. તો આજે ભારતે બાંગ્લાદેશને જીત માટે 513 રનોનો ટારગેટ આપ્યો છે.

  • Ind vs Ban ભારતે 513 રનોનો આપ્યો ટારગેટ
  • ત્રીજા દિવસે 2 વિકેટનાં નુક્સાને ભારતનો સ્કોર 512
  • પુજારા અને ગીલે ફટકાર્યાં શતક

ભારત અને બાંગ્લાદેશની વચ્ચે ચટગાવમાં ચાલી રહેલી ટેસ્ટ મેચનો આજે ત્રીજો દિવસ છે. ટીમ ઇન્ડિયાએ બાંગ્લાદેશને જીત માટે 513 રનોનો ટારગેટ આપ્યો છે.  ભારત માટે બીજી ઇનિંગમાં પુજારા અને ગીલે શતક ફટકાર્યાં છે. ભારતે 2 વિકેટ પર 258 રનો બીજી ઇનિંગમાં જાહેર કર્યાં છે. 

ચેતેશ્વર પુજારા અને ગીલે ફટકાર્યા શતક
બાંગ્લાદેશ સામેની ત્રીજી મેચમાં ભારતનાં સુપર ખેલાડીઓ ચેતેશ્વર પુજારા અને ગીલે ધમાકેદાર રન બનાવ્યાં હતાં. પુજારાએ 102 જ્યારે ગીલે 110 રનો બનાવ્યાં હતા. ચેતેશ્વર પુજારાએ લગભગ ચાર વર્ષ બાદ ટેસ્ટ ક્રિકેટમાં શતક ફટકારેલ છે.

ભારતીય બોલર્સએ લીધી સટાસટ વિકેટ
આ પહેલા બાંગ્લાદેશની પહેલી ઇનિંગ તો 150 રનમાં જ સમાપ્ત થઇ ગઇ. ભારતીય બોલર્સ ખાસ કરીને કુલદીપ યાદવ અને મહોમ્મદ સિરાજે શાનદાર બોલિંગ કરતાં બાંગ્લાદેશી બેટ્સમેનોને સેટ થવાનો જ મોકો ન આપ્યો. કુલદીપે પાંચ અને સિરાજે 3 વિકેટ ચટકારી.

બાંગ્લાદેશને 513 રનોનો ટારગેટ
ભારતે બાંગ્લાદેશને 513 રનોનો મોટો ટારગેટ આપ્યો છે. ભારતે પોતાની બીજી ઇનિંગમાં 258 રનો બનાવ્યાં છે. તો ભારતને 10 વિકેટનો ટારગેટ મળે છે. ભારતીય ખેલાડી પુજારાએ બીજી ઇનિંગમાં 102 જેટલો સ્કોર બનાવ્યો છે. આ પહેલા પુજારાએ શતક જાન્યુઆરી 2019માં ઓસ્ટ્રેલિયા સામે ફટકાર્યાં હતાં. આ સિવાય ગીલે પણ 110 જેટલા રનો ભારત માટે બનાવ્યાં છે.

આ ખેલાડીઓનો પણ કમાલ!
ભારતે ટોસ જીતીને પહેલી ઇનિંગમાં 404 રનો ફટકાર્યાં. પુજારાએ 90, શ્રેયસે 86 અને રવિન્દ્ર અશ્વિને 58 રન બનાવ્યાં હતાં. પંત અને કુલદીપે પણ સારૂ યોગદાન આપ્યું હતું. બાંગ્લાદેશનાં તૈજુલ ઇસ્લામ અને મહેદી હસન મિરાજએ 4-4 વિકેટ લીધી. જેના જવાબમાં બાંગ્લાદેશની ટીમ માત્ર 150 રનો બનાવ્યાં હતાં. 

IND vs BAN 1st test day 3 Cricket Score ક્રિકેટ સ્કોર પ્રથમ ટેસ્ટ મેચ
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ