મંદી / 11 વર્ષના નીચલા સ્તર પર દેશનો GDP, આ સમયની મંદીના ઈતિહાસનું પુનરાવર્તન

• વર્ષ 2019-20માં જીડીપી ગ્રોથ રેટના આંક થયા જાહેર
• 11 વર્ષના સૌથી નીચેના સ્તરે રહ્યો GDP
• 2019-20 માટે GDP ગ્રોથ રેટ 4.2 ટકા રહ્યો

વર્ષ 2009માં કોંગ્રેસની આગેવાનીવાળી યુપીએ સરકાર ફરીથી સત્તામાં આવી. તે જ વર્ષે નાણાકીય વર્ષ 2008-09ના જીડીપીના આંકડા જાહેર કરવામાં આવ્યા હતા. આ આંકડા દર્શાવે છે કે નાણાકીય વર્ષ 2008-09 (એપ્રિલથી માર્ચ) માં દેશનો જીડીપી એટલે કે વિકાસ દર 3.09 ટકા હતો. જીડીપીના આંકડા પર આ સમયે વૈશ્વિક મંદીની અસર હતી. ઉલ્લેખનીય છે કે વર્ષ 2008માં દુનિયાભરમાં મંદી હતી અને આ મંદીને ભારતીય ઈકોનોમીને પ્રભાવિત કરી. તેની અસર જીડીપીના આંક પર દેખાઈ. આજે લગભગ 11 વર્ષ બાદ દેશનો જીડીપી એક વાર ફરી એ જ સ્તરે પહોંચ્યો છે. 

છેલ્લા 11 વર્ષના જીડીપીના આંકડા પર એક નજર

નાણાંકીય વર્ષ 2019-20માં જીડીપી ગ્રોથનો રેટ 4.2 ટકા પર રહ્યો. આ છેલ્લા 11 વર્ષનું સૌથી નીચું સ્તર રહ્યું છે. આ  2008-09માં જીડીપી ગ્રોથ સ્તર સુધી પહોંચ્યો છે.  આ 11 વર્ષમાં જીડીપીના હિલચાલ વિશે વાત કરીએ તો નાણાકીય વર્ષ 2016-17માં સૌથી વધુ વિકાસ થયો છે. દેશનો જીડીપી ગ્રોથ રેટ આ નાણાકીય વર્ષમાં 8.25 ટકા રહ્યો હતો. જો કે, ત્યારબાદના 3 નાણાકીય વર્ષોમાં સતત ઘટાડો જોવા મળી રહ્યો છે.

વર્ષ 2019-20ના ચાર ત્રિમાસિકની સ્થિતિ

નાણાકીય વર્ષ 2019-20ના ચોથા ક્વાર્ટરમાં જાન્યુઆરીથી માર્ચની વચ્ચે જીડીપી ગ્રોથ રેટ 3.1 ટકા હતો. એ જ રીતે, દેશનો જીડીપી વૃદ્ધિ દર ડિસેમ્બર ક્વાર્ટરમાં 4.7 ટકા થયો છે. આ ઉપરાંત, જીડીપી ગ્રોથ રેટને 2019-20ના પ્રથમ ક્વાર્ટરમાં 5.6 ટકા અને બીજા ક્વાર્ટરમાં 5.1 ટકા નક્કી કરવામાં આવ્યો છે.
 

આ વર્ષ અને ખરાબ સ્થિતિ

કોરોના વાયરસના પ્રકોપને ધ્યાનમાં રાખીને વર્ષ 2020-21 વધુ ખરાબ રહેવાની સંભાવના છે. તાજેતરમાં જ ભારતીય રિઝર્વ બેંક (આરબીઆઈ) એ પણ કહ્યું હતું કે નાણાકીય વર્ષ 2020-21 દરમિયાન દેશની જીડીપીમાં વૃદ્ધિ નકારાત્મક રહેશે, એટલે કે તે ઘટશે.

રાહત પેકેજનો નહીં મળે ફાયદો

કોરોના સંકટને ધ્યાનમાં રાખીને મોદી સરકારે લગભગ 20 લાખ કરોડના આર્થિક પેકેજની જાહેરાત કરી. નાણાંમંત્રી નિર્મલા સીતારમણ દ્વારા આ પેકેજની વિગતો દેશની સામે રાખવામાં આવી છે. પરંતુ તમામ રેટિંગ એજન્સીઓએ આગાહી કરી રહી છે કે આ રાહત પેકેજથી જીડીપીને ફાયદો થશે નહીં. આ પેકેજની મોટાભાગની રકમ ક્રેડિટ સ્કીમ જેવી છે. આવી સ્થિતિમાં અર્થવ્યવસ્થામાં ઉત્સાહ રહેશે નહીં.