ગર્વ / વિશ્વ ફલક પર ભારતનો ડંકો: સંસ્કૃત ભાષામાં બનેલી પ્રથમ સાયન્સ ડોક્યુમેન્ટ્રી ફિલ્મ થઈ લોન્ચ, જાણો કેમ છે ખાસ

• વિશ્વ ફલક પર ભારતનો ડંકો
• સંસ્કૃત ભાષામાં બનેલી પ્રથમ સાયન્સ ડોક્યુમેન્ટ્રી ફિલ્મ થશે લોન્ચ
• આજે થઈ રીલિઝ

'યાનમ' નામની ડોક્યુમેન્ટ્રીમાં ભારતના શ્રેષ્ઠ એન્જિનિયરિંગ અને હિંમતની વાર્તા બતાવવામાં આવી છે. 44 મિનિટની આ ડોક્યુમેન્ટ્રીમાં તમે જોઈ શકશો કે મંગલયાન કેવી રીતે બનાવવામાં આવ્યું હતું અને મિશન પર કામ કરી રહેલા ભારતીય અવકાશ સંશોધન સંસ્થા (ISRO)ના વૈજ્ઞાનિકો દ્વારા કરવામાં આવેલા પ્રયાસો અને વૈજ્ઞાનિકોનું વલણ શું હતું? તેની વાત કરવામાં આવી છે. 

સંસ્કૃતમાં બનેલી પ્રથમ સાયન્સ ડોક્યુમેન્ટ્રી

'યાનમ' નામની આ 44 મિનિટની ડોક્યુમેન્ટ્રીનું દિગ્દર્શન રાષ્ટ્રીય પુરસ્કાર વિજેતા વિનોદ મનકારા દ્વારા કરવામાં આવ્યું છે. 'યાનમ'ને ભારતની પ્રથમ આવી સાયન્સ ડોક્યુમેન્ટ્રીનો દરજ્જો મળ્યો છે, જે સંપૂર્ણ રીતે સંસ્કૃત ભાષામાં બનાવવામાં આવ્યો છે. વિનોદ મંકારાના જણાવ્યા અનુસાર, આ ડોક્યુમેન્ટરી ડૉ. કે. રાધાકૃષ્ણનના પુસ્તક 'માય ઓડિસી' પર આધારિત છે અને તેને ISROના મંગલયાન મિશન અને તેના વિકાસ કાર્યોના આર્કાઇવ વીડિયો તરીકે રાખવામાં આવી છે. મનકારાએ વધુમાં જણાવ્યું કે સંસ્કૃત એક એવી ભાષા છે જે માત્ર ભક્તિ અને શાસ્ત્રો માટે જ છે એવી ખોટી માન્યતા છે. મારી પહેલી સંસ્કૃત ફિલ્મ 'પ્રિયામાનસમ' પણ આ ગેરસમજને તોડવા માટે બનાવવામાં આવી હતી. સંસ્કૃત ભાષાનો વિશાળ અવકાશ છે અને 'યાનમ' મારી બીજી ફિલ્મ પ્રોજેક્ટ છે, જે સંસ્કૃતમાં બની છે. ડાયરેક્ટર મંકારાએ કહ્યું કે આ ડોક્યુમેન્ટરી એવી રીતે બનાવવામાં આવી છે કે સામાન્ય માણસ અને અંતરિક્ષ વિજ્ઞાનનો ઓછામાં ઓછો અનુભવ ધરાવતા લોકો પણ તેને સરળતાથી સમજી શકે.

વૈજ્ઞાનિકોએ સંસ્કૃતમાં કરી વાત 

'યાનમ'ની ટીમે જણાવ્યું કે આ ફિલ્મમાં જે વૈજ્ઞાનિકોની ક્લિપનો ઉપયોગ કરવામાં આવ્યો છે, તે ઈસરોના વૈજ્ઞાનિકોએ સંસ્કૃતમાં વાત કરી છે અને તેમના કામ વિશે માહિતી આપી છે. આ ફિલ્મમાં ઈસરોના ભૂતપૂર્વ અધ્યક્ષ ડૉ. રાધાકૃષ્ણન અને તત્કાલીન અધ્યક્ષ એસ સોમનાથને પણ દર્શાવવામાં આવ્યા છે. 

આજે થઈ લોન્ચ

વિનોદ મનકારાએ આ માટે ઈસરો અને ચેરમેન એસ સોમનાથનો આભાર માન્યો હતો. આ સંસ્કૃત ભાષાની ડોક્યુમેન્ટરીમાં અંગ્રેજી સબટાઈટલ પણ છે. ફિલ્મના નિર્માતા ડૉ. એ.વી. અનૂપે જણાવ્યું કે 'યાનમ' એક એવો પ્રોજેક્ટ છે જે અમારી ટીમે ત્રણ મહિના કરતાં પણ ઓછા સમયમાં પૂર્ણ કર્યો છે અને અમારું પ્રથમ સ્ક્રીનિંગ આજે યોજાયું હતું