ન્યૂ ડેસ્ટિનેશન / અહીં તૈયાર થઈ દેશની પહેલી રામાયણ વાટિકા, રામાયણ કાળની આ વનસ્પતિઓ સહિત જોવા મળશે આ મનમોહક પણ...

• રામ દેશના 6 જંગલોમાંથી પસાર થયા હતા
• નાગકેશર સહિતના 149 વનસ્પતિઓને સંરક્ષિત કરવામાં આવી
• વનસ્પતિમાં સમય જવા છતાં તેમાં કોઈ ફેરફાર થયો નથી

અયોધ્યાથી શ્રીલંકા સુધીની સફર દરમિયાન રામ દેશના 6 જંગલોમાંથી પસાર થયા હતા. જેમાં ચિત્રકૂટ, દંડકારણ્ય, પંચવટી, કિષ્કિન્ધા, અશોક વાટિકા અને દ્રોણાગિરી વનનો સમાવેશ થાય છે. આ જંગલોને ઉષ્ણ કટીબંધીય પાનખર જંગલો, શુષ્ક પાનખર જંગલો, શુષ્ક અને ભેજવાળા પાનખર જંગલો, સદાબહાર જંગલો અને અલ્પાઇન જંગલો પણ કહેવામાં આવે છે. આ જંગલોના ચાર ગુણો છે. જેને શાંત, મધુર, રુદ્ર અને વિભત્સ જંગલો તરીકે ઓળખવામાં આવ્યા છે. તે જ પ્રકારની વનસ્પતિ પણ  આ જંગલોમાં જોવા મળે છે. ફોરેસ્ટ રિસર્ચ સેન્ટરના જણાવ્યા મુજબ રામાયણ કાળથી અત્યાર સુધીમાં આ જંગલો હાલમાં બહુ ફેરફાર થયો નથી. તેમજ અહીં  તમામ પ્રકારની મલ્ટીઉપયોગ અને દુર્લભ વનસ્પતિઓ જોવા મળે છે. રિસર્ચ બાદ આ વનસ્પતિઓને સાચવવામાં  માટે આ  રામાયણ વાટિકા તૈયાર કરવામાં આવી છે.

આ વાટિકામાં વનસ્પતિના ચિત્રની સાથે તેનું વર્ણન તેમજ તે ક્યાં જોવા મળે છે અને રામના પ્રવાસ સાથેના તેના સંબંધ અંગે વાત કરતા બોર્ડ લગાવવામાં આવ્યા છે.

વાટિકામાં ચિત્રકૂટની કંટકારી, અસન, શ્યોનક, બ્રાહ્મી, દંડકારણ્યની અર્જુન, સાગ, પદલ, ગૌબ, બાકલી, પંચવટીની સેમલ, સફેદ તલ, તુલસી, કિષ્કિંઘાના ચંદનરક્ત, ચંદન ઢાક, નક્તમલકા, મંદારા, માલતી, મલ્લિકા, કમલ અશોક વાટિકાની નાગકેશર, ચંપા, સપ્તર્ણી, કોવિદારા, દ્રોણાગિરીની સંજીવની, વિશ્વલ્યકરર્ણી, સંધાની, સુવર્ણકાર્ણી, રુદ્રવંતી અને જીવંતી સહિત કુલ 149 વનસ્પતિઓનું કલેક્શન જોવા મળશે.

આ જગ્યાએ છે રામાયણ કાળના જંગલો 

- ચિત્રકૂટનો અર્થ છે કે અનેક આશ્ચર્યવાળી પહાડી. તે યુપીના ચિત્રકૂટથી મધ્યપ્રદેશ સુધી ફેલાયેલ છે. વનવાસ બાદ રામે પહેલો આશ્રય અહીં લીધો હતો.
- દંડકારણ્ય વન જ્યાં દંડકર્ણ્ય નામનો રાક્ષસ રહેતો હતો. જેનો વધ શ્રીરામે કર્યો હતો. આ વન છત્તીસગઢના બસ્તર જિલ્લાથી તેલંગાણા સુધી ફેલાયેલું છે.
- જ્યાં સીતાનું રાવણ દ્વારા હરણ થયું તે પંચવટી વન મહારાષ્ટ્રના નાસિક જિલ્લામાં ગોદાવરી નદીના કાંઠે આવેલ છે.
- કિષકિન્ધા વન જ્યાં શ્રી રામને હનુમાન અને સુગ્રીવની મુલાકાત થઈ હતી. જે કર્ણાટકના બેલેરી જિલ્લામાં આવેલું છે.
- જ્યાં સીતાનું હરણ કરી રાવણે રાખ્યા હતા તે અશોક વાટિકા શ્રીલંકાના નુવારા એલિયા શહેરમાં હકાગલા બોટનિકલ ગાર્ડનમાં આવેલ છે. 

રામાયણના સમયગાળા દરમિયાન  વાલ્મિકી રામાયણમાં જે વનસ્પતિઓનું વર્ણન કરવામાં આવ્યું છે. તેમજ આમાંથી ઘણી વનસ્પતિ દુર્લભ અને ઉપયોગી છે. સારી વાત એ છે કે સમય જવા છતાં તેમાં કોઈ ફેરફાર થયો નથી. રામાયણ વાટિકા  આ વનસ્પતિને પ્રિઝર્વ કરવા માટે તૈયાર કરવામાં આવી છે. - સંજીવ ચતુર્વેદી, ફોરેસ્ટ રિસર્ચ સેન્ટર