દેશના દુશ્મનોના દાંત ખાટા કરવા અને દુશ્મનને જડમૂડથી ઉખેડી ફેંકવા માટે હવે ભારતીય સેનામાં સામિલ થશે ચિનુક હેલિકોપ્ટર. આ હેલિકોપ્ટરનો ભારતીય સેનામાં સમાવેશ થવાથી ભારતીય સેનાની શક્તિમાં તગડો વધારો થવાનો છે. ત્યારે અમેરિકા સાથે થયેલી ડીલ મુજબ 4 ચિનુક હેલિકોપ્ટર ગુજરાતના મુદ્રા પોર્ટ ખાતે આવી પહોંચ્યા. આ હેલિકોપ્ટર સેનાના અલગ અલગ સૈન્ય અડ્ડા ખાતે મોકલાશે.
દુશ્મનોના પાટલૂન ઢીલા કરવા અને દેશવાસીઓને ગૌરવ અપાવવા માવી પહોંચ્યું ચિનુક હેલિકોપ્ટર
દેશના દુશ્મનો થઈ જજો સાવધાન !
પાકિસ્તાન થઈ જા હોંશિયાર !
ચીન હવે નહીં ચાલે તારી ચંચુપાત !
દેશની સૈન્ય શક્તિમાં વધારો કરવા અને દુશ્મનોના નાકે દમ લાવવા માટે અમેરિકા પાસેથી ખરીદવામાં આવેલા ચિનૂક હેલિકોપ્ટરની પહેલી ખેપ વાયુસેનાનાં કાફલામાં જોડાશે. અમેરિકાના ફિલાડેલ્ફિયા સ્થિત ફેક્ટરીથી હેલિકોપ્ટરની પ્રથમ ખેપ સમુદ્રના માર્ગે ગુજરાતમાં અદાણી ગ્રૂપના મુન્દ્રા પોર્ટ પર રવિવારે આવી પહોંચી હતી. ભારતે 2015માં અમેરિકાની વિમાનની ઉત્પાદક કંપની બોંઈગ પાસેથી 15 ચિનૂક હેલિકોપ્ટર ખરીદવાનો સોદો કર્યો હતો. 2.5 અબજ ડૉલરનાં આ સોદામાં 22 અપાચે હેલિકોપ્ટરનો પણ સમાવેશ થાય છે. એરફોર્સના અધિકારીઓએ જણાવ્યા મુજબ મુન્દ્રા પોર્ટથી ચિનૂક હેલિકોપ્ટરને ચંદીગઢ લઈ જવાશે. જ્યાં તેને એરફોર્સમાં સામેલ કરાશે. ભારતે 15 ચિનૂક હેલિકોપ્ટરની ડીલ પર સપ્ટેમ્બર 2015માં હસ્તાક્ષર કર્યા હતા. તે હેઠળ વધુ સાત હેલિકોપ્ટર ખરીદવાનો વિકલ્પ ખૂલ્લો છે. ઉપરાંત અમેરિકાથી 22 અપાચે અટેક હેલિકોપ્ટર પર ખરીદવામાં આવશે. ચિનૂક હેલિકોપ્ટરની વધુ ડિલીવરી આગામી ચાર વર્ષમાં પૂરી થશે. એરફોર્સમાં સામેલ થયા બાદ ચિનૂક હેલિકોપ્ટર એમઆઈ-26 હેવીલિફ્ટ હેલિકોપ્ટરોનું સ્થાન લેશે જે ત્રણ દાયકા પહેલા સોવિયેત સંઘથી ખરીદાયા હતા.
ઊંચા રણ ક્ષેત્રોમાં ઉપયોગી થશે ચિનૂક હેલિકોપ્ટર
ચિનૂક હેલિકોપ્ટરને ચંદીગઢમાં તહેનાત કરવામાં આવશે જેનો ઉપયોગ સિયાચીન અને લદ્દાખ જેવા ક્ષેત્રોમાં કરવામાં આવશે. જ્યારે અપાચે હેલિકોપ્ટરને ગાઝિયાબાદના હિંડન એરબેઝ પર તહેનાત કરાશે. આ બન્ને હેલિકોપ્ટરની તૈનાથી ઉંચી રણ ભૂમિ જેવી સિયાચીન લદ્દાખમાં સેનાના જવાનોને ઘણી જ મદદ મળશે. દુશ્મનોને જમીનદોસ્ત કરવામાં આ હેલિકોપ્ટર ઘણા જ ઉપયોગી સાબિત થશે.
સેનાની શક્તિમાં લાગશે ચાર ચાંદ !
ભારતીય વાયુસેના અત્યાર સુધી મોટા પ્રમાણમાં રશિયન Mi-17 જેવા મધ્યમ વર્ગના લિફ્ટ હેલિકોપ્ટર પર આધારિત હતી. ચિનૂક અને અપાચેનાં આવવાથી સેનાની શક્તિમાં ચાર ચાંદ લાગી જશે. અમેરિકન સંરક્ષણ મંત્રી પદથી જેમ્સ મેટિસની વિદાય બાદ આ ડીલ લટકતી જોવા મળી રહી હતી. પરંતુ તેમના સ્થાને પેટ્રિક શેનોએ પણ ભારત સાથેની આ ડીલમાં રસ દર્શાવ્યો અને તરત તેને લીલી ઝંડી આપી દીધી હતી. જેના કારણે ભારતને ચિનૂક હેલિકોપ્ટરની પ્રાપ્તિ થઈ છે.
વજનદાર સામાન લઈ જવામાં સક્ષમ છે ચિનૂક
ચિનૂક હેલિકોપ્ટર બનાવતી અમેરિકાની બોઈંગ કંપનીના કહેવા પ્રમાણે અપાચેની ગણતરી દુનિયાનાં સૌથી સારા લડાકુ હેલિકોપ્ટરમાં કરવામાં આવે છે. જ્યારે ચિનૂક ભારે-ભરખમ સામાનને પણ ઘણી ઊંચાઈ પર સરળતાથી પહોંચાડી શકે છે. અમેરિકી સેના લાંબા સમયથી અપાચે અને ચિનૂકનો ઉપયોગ કરી રહી છે. ભારત અપાચેનો ઉપયોગ કરનારો 14મો અને ચિનૂકનો ઉપયોગ કરનારો 19મો દેશ છે. બોઈંગે 2018માં વાયુસેનાનાં પાયલટ્સ અને ફ્લાઈટ એન્જિનીયરોને ચિનૂક હેલિકોપ્ટર ઉડાડવાની ટ્રેનિંગ આપી હતી.
કેવી છે ચિનૂક હેલિકોપ્ટરની વિશેષતા ?
આ હેલિકોપ્ટર ઊંચાઈ ધરાવતા સ્થળે સૈનિકોને સરળતાથી પહોંચાડી શકે છે. આ હેલિકોપ્ટરની મદદથી ભારત દુનિયાની સૌથી ઉંચી રણભૂમિ સિયાચીનમાં સૈનિકોને તમામ પ્રકારનો સામાન યોગ્ય સમયે પહોંચાડી શકશે. આપને જણાવી દઈએ કે અમેરિકાએ આ હેલિકોપ્ટરની મદદથી અફઘાનિસ્તાન અને ઈરાકમાં તેના ઘણા ઓપરેશન કર્યા હતા. તો ભારે પવન અને વરસાદમાં પણ તે સંપૂર્ણ ક્ષમતા સાથે ઉડાન ભરી શકે છે. આ હેલિકોપ્ટર ચાહે કોઈ પણ કપરી કુદરતી આપદાના સમયે ઘણુ જ કામ આવે છે. તો આ હેલિકોપ્ટરની લંબાઈ 98.10 ફૂટ અને ઉંચાઈ 18.7 ફૂટ છે. તો ઈંધણ ક્ષમતા 45 000 lb એટલે કે 20 હજાર 411 કિલોગ્રામની છે. તો આ હેલિકોપ્ટરની ઝડપની વાત કરીએ તો ચિનુક એક કલાકમાં 302 પ્રતિકલાકની ઝડપી ઉડી શકે છે. તો હેલિકોપ્ટરનું વજન 22 હજાર 680 કિલોગ્રામ છે.
તો ચિનુક હેલિકોપ્ટરનો ભારતીય સેનામાં સમાવેશ થવાથી દેશના દુશ્મન ચીન અને પાકિસ્તાનના પેટમાં તેલ રેડાઈ શકે છે. કારણ કે આ ડિલ ન થાય તે માટે પ્રયાસો થયા હતા પરંતુ આપણી મોદી સરકાર અને અમેરિકાની ટ્રમ્પ સરકારે આખકે ડિલ પર મંજૂરીની મહોર મારી હતી. આ ડિલથી હવે ચીન અને પાકિસ્તાન તરફ સારી રીતે નજર રાખી શકાશે તથા તેમની અવળચંડાઈનો સારી રીતે જવાબ પણ આપી શકાશે.