ભારતીય ક્રિકેટ ટીમ હાલમાં ન્યૂઝીલેન્ડના પ્રવાસ પર છે. T 20માં શાનદાર પ્રદર્શન બાદ વન ડે સીરીઝની પહેલી મેચમાં ભારતનો પરાજય થયો છે. ટીમ ઈન્ડિયાની હારની સાથે એક બીજા પણ ખરાબ સમાચાર આવ્યા છે. ICCએ સ્લો ઓવર રેટના લીધે ટીમ ઈન્ડિયાને મેચ ફીસના 80 ટકા રકમ પર દંડ ફટકાર્યો છે.
વિરાટ કોહલીએ સ્વીકારી ભૂલ
નિશ્ચિત સમયથી 4 ઓવર પાછળ ચાલી રહી હતી ટીમ ઈન્ડિયા
આ પહેલાં ચોથી અને પાંચમી T 20 મેચમાં પણ આ જ ભૂલના કારણે થયો ઘાટો દંડ
ટીમ ઈન્ડિયાએ ફરીથી એવી ભૂલ કરી છે જેના લીધે આખી ટીમને નુકસાન થઇ રહ્યું છે. આ ભૂલના કારણે ટીમને કરોડોનું નુકસાન પણ થયું છે. પહેલી વનડેમાં સ્લો ઓવર રેટનાં કારણે ટીમને દંડ ફટકારવામાં આવ્યો છે જેમાં મેચ ફીસની 80 ટકા રકમ દંડના રૂપે આપવી પડશે. ટીમ ઈન્ડિયાએ નિશ્ચિત સમય પર ઓવર પૂરી ન કરી અને 4 ઓવર પાછળ રહી ગઈ. નિશ્ચિત સમયથી 4 ઓવર પાછળ ચાલવાના કારણે આઈસીસીએ ટીમને દંડ ફટકાર્યો છે. આઈસીસીએ કોડ ઓફ કંડક્ટના આર્ટિકલ 2.22 મુજબ ટીમને સ્લો ઓવર રેટ બદલ દંડ કર્યો છે.
આ નિયમ મુજબ જો કોઈ ટીમ નિશ્ચિત સમય સીમા કરતા એક ઓવર ધીમી નાખે છે તો આખી ટીમને મેચ ફીસના 20 ટકા દંડ લાગુ પડશે. આ મેચમાં ટીમ ઈન્ડિયા 4 ઓવર પાછળ ચાલી રહી હતી જેથી તેને 80 ટકા મેચ ફીસ દંડ સ્વરૂપે ભરવી પડશે. ઉલ્લેખનીય છે કે આ ભૂલ ટીમ ઈન્ડિયાએ સ્વીકાર કરી લીધી છે. ટીમ ઈન્ડિયા પર આ આરોપ ઓન ફિલ્ડ અમ્પાયર શોન હેગ અને લેંગટન લુસેરેએ તથા થર્ડ અમ્પાયર બ્રુસ ઓક્સફોર્ડ અને ફોર્થ અમ્પાયર ક્રીસ બ્રાઉને લગાવ્યો હતો.
આ પહેલાં પણ ટીમ ઈન્ડિયાને આ જ ભૂલ માટે દંડ કરવામાં આવ્યો હતો. ચોથી અને પાંચમી T 20 મેચમાં સ્લો ઓવર રેટ માટે દંડ કર્યો હતો. તથા આ બંને મેચમાં ભારતે વિજય પ્રાપ્ત કરી હતી.