આવતીકાલે ભારત અને ઓસ્ટ્રેલિયા વચ્ચે વર્લ્ડ ટેસ્ટ ચેમ્પિયનશિપની ફાઈનલ પહેલા મેચ પ્રેક્ટિસ દરમિયાન કેપ્ટન રોહિત શર્માને અંગૂઠે ઈજા થઈ છે.
કાલે ભારત-ઓસ્ટ્રેલિયા વચ્ચે વર્લ્ડ ટેસ્ટ ચેમ્પિયનશિપની ફાઈનલ
7 થી 11 જુન એમ પાંચ દિવસ રમાશે
આજે પ્રેક્ટિસ દરમિયાન કેપ્ટન રોહિત શર્માને અંગૂઠા પર થઈ ઈજા
વર્લ્ડ ટેસ્ટ ચેમ્પિયનશિપની ફાઈનલ માટે 24 કલાકથી પણ ઓછો સમય બચ્યો છે, પરંતુ તે પહેલા લંડનથી આવેલા સમાચાર ભારતીય ફેન્સને પરેશાન કરી શકે છે. આ મેચના એક દિવસ પહેલા ભારતીય ક્રિકેટ ટીમનો કેપ્ટન રોહિત શર્મા ઈજાગ્રસ્ત થયો હતો. રોહિતને મંગળવારે ઓવલ મેદાન પર પ્રેક્ટિસ દરમિયાન અંગૂઠામાં ઈજા થઈ હતી, જેના કારણે તેને નેટ્સ સેશન છોડવું પડ્યું હતું. હાલ એ સ્પષ્ટ નથી થઈ શક્યું કે, ઈજા કેટલી ગંભીર છે અને તે બુધવારે રમાનારી મેચમાં જશે કે નહીં.
Guys, no need to worry.
Today was optional practice session most players didn't turn up but still Rohit Sharma came.
It shows how determined and focused he is for the WTC Final. Nothing can stop him and this minor injury is nothing for him. Hitman will play tomorrow. pic.twitter.com/yXSsfkK3Q5
રોહિતને ડાબા હાથના અંગૂઠા પર વાગ્યો બોલ, ફિઝિયોની મદદ લેવી પડી
7 જુનથી શરુ થઈ રહેલી ફાઈનલના એક દિવસ અગાઉ મંગળવારે ટીમ ઈન્ડિયાનું ઓપ્શન પ્રેક્ટિસ સેશન યોજાયું હતુ. મીડિયા રિપોર્ટ મુજબ આ દરમિયાન જ્યારે કેપ્ટન રોહિત શર્મા નેટ પર બેટિંગ કરી રહ્યો હતો ત્યારે બોલ તેના ડાબા હાથના અંગૂઠા પર વાગ્યો હતો. બોલને કારણે રોહિત શર્માને ટીમના ફિઝિયોની મદદ લેવી પડી હતી.
Captain Rohit Sharma said - I would like to win 1 or 2 ICC Trophies as a captain.
પ્રેક્ટિસ છોડવાની ફરજ પડી
રિપોર્ટ્સ અનુસાર ટીમના ફિઝિયોએ તરત જ રોહિતના અંગૂઠા પર પાટો બાંધી દીધો હતો જે પછી રોહિત થોડી વાર અલગ બેસી રહ્યો હતો. અને તેણે ફરી વખત ગ્લોવ્ઝ પહેરીને નેટ પર બેટીંગ કરવાનો પ્રયાસ કર્યો હતો પરંતુ આખરે એવું લાગતા કે તે કદાચ આવતીકાલથી ફાઈનલ નહીં રમી શકે તે બીકે તેણે વધારે પ્રેક્ટિસ કરવાનું ટાળ્યું હતું.
ઈજાથી પરેશાન ટીમ ઈન્ડિયા
જો રોહિત આવતીકાલની ફાઈનલ ન રમી શકે તો ખૂબ ગંભીર બની શકે છે કારણ કે ટીમનો ઓપનર છે તે ઉપરાંત તે ગત ઈંગ્લેન્ડ પ્રવાસમાં ટીમનો સૌથી સફળ બેટ્સમેન રહ્યો હતો અને તેણે ઓવલમાં ઈંગ્લેન્ડ સામે સદી ફટકારી હતી. જસપ્રિત બુમરાહ, ઋષભ પંત, શ્રેયસ અય્યર અને કેએલ રાહુલ જેવા મહત્વના ખેલાડીઓ વગર ટીમ ઇન્ડિયા પહેલેથી જ આ ફાઇનલમાં પ્રવેશ કરી રહી છે.