Viral / 'હમારા સસુર કૈસા હો, સચિન તેંડુલકર...', અલ્યા આ શું કહી દીધું? ભારત-ઇંગ્લેન્ડની મેચનો Video વાયરલ

ગઈકાલે 12 ફેબ્રુઆરીએ અમદાવાદના નરેન્દ્ર મોદી સ્ટેડિયમમાં ઈંગ્લેન્ડ અને ભારત વચ્ચે ચાલી રહેલી વનડે સીરિઝ અંતર્ગત ત્રીજી મેચ અમદાવાદમાં યોજાઇ હતી અને આ મેચમાં શુભમન ગિલ છવાઈ ગયો હતો.

અમદાવાદી તો અમદાવાદી જ છે!

શુભમન ગિલ ગઇકાલે અમદાવાદના નરેન્દ્ર મોદી સ્ટેડિયમમાં છવાયેલો રહ્યો તેના બે કારણો હતા. એક તો તેણે ગઇકાલે રમેલી 112 રનની શાનદાર ઈનિંગ્સ અને બીજી અમદાવાદીઓએ કરાવેલો જલસો. અમદાવાદી ક્યાંય પણ જાય એટલે ઓળખાઈ જ જાય અને ટીખળ કરવી એ અમદાવાદીઓના લોહીમાં છે. ત્યારે અમદાવાદી એટલે અમદાવાદી એવું કહેવડાવે એવો માહોલ ગઇકાલે પણ મેચ દરમિયાન સ્ટેડિયમમાં જોવા મળ્યો જ્યાં અમદાવાદીઓ મેચની મજા લેવા ગયા હતા ત્યાં શુભમાન ગિલને જોતાં જ સ્ટેડિયમમાં જોર-જોરથી 'સચિન' 'સચિન' ના નારા લગાવ્યા તો સાથે 'હમારા સસુર કૈસા હો, સચિન તેંડુલકર જૈસા હો' ના નારા લગાવીને શુભમન ગિલની ટીખળ કરી હતી.

View this post on Instagram

A post shared by Ahmedabad Explore (Amdavad) (@ahmedabad.explore)

શુભમન કરી રહયો છે સારાને ડેટ

શુભમન ગિલ ભારતીય ક્રિકેટ ટીમનો એક ઉભરતો યુવા ખિલાડી છે અને સૂત્રો એવું કહે છે કે શુભમન ગિલ પૂર્વ ક્રિકેટર સચિન તેંડુલકરની દીકરી સારા તેંડુલકરને ડેટ કરી રહયો છે અને તે સચિનનો ભાવિ જમાઈ છે. બસ આ વાતને લઈને જ અમદાવાદીઓએ પણ શુભમન સાથે સ્ટેડિયમમાં મસ્તી અને ટીખળ કરીને આખા સ્ટેડિયમના મહોલને જીવંત કરી દીધું હતું.

વધુ વાંચો: ચેમ્પિયન્સ ટ્રોફી પહેલા ટીમ ઈન્ડિયાની 'વિરાટ' જીત, વનડે સીરિઝમાં ઈંગ્લેન્ડના કર્યાં સુપડા સાફ, ત્રીજી મેચમાં 142 રનથી વિજય

અમદાવાદ વનડેમાં ટીમ ઈન્ડિયાના સ્ટાર શુભમન ગિલે અનેક રેકોર્ડ પોતાને નામે કર્યા

ટીમ ઈન્ડિયાના યુવા સ્ટાર શુભમન ગિલે અમદાવાદના નરેન્દ્ર મોદી સ્ટેડિયમમાં રમાયેલી ત્રીજી વનડેમાં એક મહા રેકોર્ડ પોતાને નામ કર્યો હતો. ગિલે આ મેચમાં 102 રનમાં શાનદાર 112 રન ફટકાર્યાં હતા આ સાથે ગિલ આ સ્ટેડિયમમાં ત્રણેય ફોર્મેટ (ટેસ્ટ-ટી 20 અને વનડે)માં સદી ફટકારનાર દુનિયાનો પહેલો બેટર બન્યો છે. આ રેકોર્ડની ઉપરાંત ગિલે બીજો પણ એક રેકોર્ડ કર્યો છે. શુભમન ગિલ ODI ઇતિહાસમાં 2500 રન બનાવનાર સૌથી ઝડપી બેટ્સમેન બની ગયો છે. આ બાબતમાં તેણે દક્ષિણ આફ્રિકાના દિગ્ગજ ખેલાડી હાશિમ અમલાને પાછળ છોડી દીધો છે. શુભમન ગિલે 50 વનડે ઇનિંગ્સમાં આ આંકડો સ્પર્શ્યો. જ્યારે હાશિમ અમલાએ 51 ઇનિંગ્સમાં 2500 વનડે રન બનાવવાની સિદ્ધિ હાંસલ કરી હતી.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ