અર્થવ્યવસ્થા / GDPને લઇને કેન્દ્ર સરકારનું પહેલું અનુમાન, 2020-21માં ઇકોનોમીમાં 7.7 ટકાનો આવશે ઘટાડોઃ સરકારી ડેટા

• કોરોના મહામારી વચ્ચે ઇકોનોમીમાં ઘટાડો 
• GDPને લઇને કેન્દ્રનું પ્રથમ અનુમાન
• 2020-21માં આવશે 7.7 ટકાનો ઘટાડો

દેશભરમાં ફેલાયેલી મહામારી વચ્ચે ઇકોનોમીમાં ખુબ જ ઘટાડો જોવા મળ્યો છે. નાણાકીય વર્ષ 2020-21માં દેશના GDPમાં લગભગ 7.7 ટકાનો ઘટાડો જેવા મળી શકે છે. NSO તરફથી રાષ્ટ્રીય આવકનું પ્રથમ અનુમાન જાહેર કરવામાં આવ્યું છે. આ રિપોર્ટ અનુસાર ચાલુ નાણાકીય વર્ષમાં GDP 134.50 લાખ કરોડ રૂપિયા રહેશે. 

NSO તરફથી જાહેર કરવામાં આવેલા રિપોર્ટ અનુસાર નાણાકીય વર્ષ 2019-20માં આ આંકડો 145.66 લાખ કરોડ રૂપિયા હતો. GDP આ વર્ષે 7.7 ટકાનો ઘટાડો થઇ શકે છે. નાણાકીય વર્ષ 2019-20માં GDP 4.2 ટકા દરથી વધ્યો હતો.

તમને જણાવી દઇએ કે થોડા દિવસ પહેલા વર્લ્ડ બેંકે ભારતીય અર્થવ્યવસ્થામાં ચાલુ નાણાકીય વર્ષ 2020-21માં 9.6 ટકાનો ઘટાડાનું અનુમાન લગાવ્યું છે. અર્થવ્યવસ્થામાં આવેલ ઘટાડો ઘરેલૂ ખર્ચાઓ અને ખાનગી રોકાણમાં વધતી અછત દર્શાવે છે.

આ સિવાય ઇન્ડિયા રેટિંગ્સે બીજી ત્રિમાસિક(જુલાઇ-સપ્ટેમ્બર)માં અર્થવ્યવસ્થામાં આશાથી સારા સુધારાને ધ્યાને રાખતા ચાલુ નાણાકિય વર્ષ 2020-21માં સકલ ઘરેલૂ ઉત્પાદન(જીડીપી)માં ઘટાડાના પોતાના અનુમાનને ઘટાડીને 7.8 ટકા કરી દીધો હતો. આ પહેલા રેટિંગ એજન્સીએ ચાલુ નાણાકિય વર્ષમાં અર્થવ્યવસ્થામાં 11.8 ટકા ઘટાડાનું અનુમાન લગાવાયું હતું.