ગીતનું નામ સાંભળતા જ આખું ડોલ્બી થિયેટર આનંદથી ઉમટી પડ્યું
95માં ઑસ્કર ઍવોર્ડની ધમાકેદાર શરૂઆત થઈ ગઈ છે. એવામાં ભારતે ફરી ઓસ્કારમાં ડંકો વગાડ્યો છે. ભારતીય ફિલ્મ RRRના ગીત નાટુ નાટુએ બેસ્ટ ઓરીજનલ સોંગ માટે ઓસ્કાર એવોર્ડ જીતીને ઈતિહાસ રચ્યો છે. આ ગીતનું નામ સાંભળતા જ આખું ડોલ્બી થિયેટર આનંદથી ઉમટી પડ્યું છે.
નાટુ-નાટુ ગીત પર પણ ઝૂમી ઉઠ્યા સ્ટાર્સ
ઍવોર્ડ ફંક્શનમાં સિંગર કાલ ભૈરવ અને રાહુલે મંચ પર જ લાઈવ પરફોર્મન્સ આપ્યું અને દુનિયાભરમાં મોટા મોટા સિતારાઓ આ ગીત આફરીન થઈ ગયા. પરફોર્મન્સ જોવા માટે ઉપસ્થિત ઘણા બધા સિતારાઓ ખુદ પણ થીરકવા લાગ્યા હતા અને તે બાદ સ્ટેન્ડિંગ ઓવેશન પણ આપ્યું.
95માં ઑસ્કર ઍવોર્ડની ધમાકેદાર શરૂઆત થઈ ગઈ છે. લોસ એન્જલિસમાં ફંક્શનનું આયોજન કરવામાં આવ્યું છે અને એક બાદ એક અનેક કાર્યક્રમો થઈ રહ્યા છે. દુનિયાભરથી ટીવી અને ફિલ્મોની દુનિયાના સિતારાઓ પહોંચી ગયા છે, ભારત તરફથી દિપીકા પાદુકોણ પણ સામેલ થવા માટે પહોંચી છે.
બેસ્ટ ડોક્યુમેન્ટરી શોર્ટ ફિલ્મ
ઓસ્કર ઍવોર્ડમાં ભારતનું પણ ખાતું ખૂલી ગયું છે, પ્રોડ્યુસર ગુણિત મોંગાની શોર્ટ ફિલ્મ ધ એલિફન્ટ વ્હીસ્પર્સને બેસ્ટ ડોક્યુમેન્ટરીનો ઍવોર્ડ મળ્યો છે. જોકે મહત્વનું છે કે ભારતની ડોક્યુમેન્ટરી ઓલ ધેટ બ્રિધ્સ રેસમાં હતી પરંતુ ઍવોર્ડ જીતી શકી નથી, જેનાથી આશા લગાવીને બેઠેલા ફેન્સને મોટો ઝટકો લાગ્યો હતો.