મોટો ખુલાસો / ડિસ્ક્સ થ્રોઅર ખેલાડી કમલપ્રીતને મોટો ઝટકો, ડોપિંગના કારણે મુકાયો 3 વર્ષનો પ્રતિબંધ

• ભારતની ડિસ્કસ થ્રોઅર કમલપ્રીત કૌર પર પ્રતિબંધ
• તેણીએ પ્રતિબંધિત દવા સ્ટેનોઝોલોલનો ઉપયોગ કર્યો હતો
• કમલપ્રીત કૌર પરનો પ્રતિબંધ 29 માર્ચ 2022થી અમલમાં

ભારતની ડિસ્કસ થ્રોઅર કમલપ્રીત કૌરના ચાહકો માટે એક ખરાબ સમાચાર છે. હકીકતમાં, એથ્લેટિક્સ ઇન્ટિગ્રિટી યુનિટે બુધવારે તેના પર 3 વર્ષનો પ્રતિબંધ જાહેર કર્યો છે. એથ્લેટિક્સ ઈન્ટિગ્રિટી યુનિટ તરફથી કહેવામાં આવ્યું હતું કે 26 વર્ષીય કૌર પર આ પ્રતિબંધ તેના દ્વારા ઉપયોગમાં લેવાતી પ્રતિબંધિત દવા સ્ટેનોઝોલોલના કારણે લગાવવામાં આવ્યો છે.

The AIU has banned Kamalpreet Kaur of India for 3 years for the Presence/Use of a Prohibited Substance (Stanozolol), starting from 29 March 2022. DQ results from 7 March 2022.

Details here: https://t.co/WBnlo0dVey

— Athletics Integrity Unit (@aiu_athletics) October 12, 2022

ટોક્યો ઓલિમ્પિકમાં છઠ્ઠું સ્થાન મેળવનારી કમલપ્રીત કૌર પરનો પ્રતિબંધ 29 માર્ચ, 2022થી અમલમાં આવશે, એટલે કે તેનું પરિણામ જે 7 માર્ચે આવ્યું હતું તે હવે માન્ય રહેશે નહીં.

ડોપિંગ વિરોધી નિયમનું ઉલ્લંઘન કબૂલ્યું
એથ્લેટિક્સ ઈન્ટિગ્રિટી યુનિકના રિપોર્ટમાં જણાવવામાં આવ્યું છે કે 7 માર્ચ 2022ના રોજ તેમના સેમ્પલ પટિયાલામાં લેવામાં આવ્યા હતા અને ટેસ્ટ માટે મોકલવામાં આવ્યા હતા. સેમ્પલમાં સ્ટેનોઝોલોલ નામનો પ્રતિબંધિત પદાર્થ મળી આવ્યો છે. ટેસ્ટમાં જાણવા મળ્યું કે તેઓએ ફેબ્રુઆરી 2022માં પ્રોટીન સપ્લિમેન્ટના બે સ્કૂપ ખાધા હતા જેમાં સ્ટેનોઝોલોલના ઘટકો હતા. 27 સપ્ટેમ્બર 2022ના રોજ, કમલપ્રીત કૌરે ડોપિંગ વિરોધી નિયમનું ઉલ્લંઘન કબૂલ્યું અને પરિણામ સ્વીકાર્યું.