રક્ષામંત્રી રાજનાથસિંહે જણાવ્યું કે દેશનું ડિફેન્સ એક્સપોર્ટ વર્ષ 2022-23માં 15920 કરોડ રૂપિયા પર પહોંચી ગયું જે અત્યાર સુધીમાં સૌથી વધારે છે. તેમણે આ વૃદ્ધિને એક મોટી ઉપલબ્ધિ જણાવી હતી.
ભારતનાં રક્ષા સામગ્રીનું નિકાસે તોડ્યો રેકોર્ડ
વર્ષ 2022-23માં 15920 કરોડ રૂપિયાનો કર્યો નિકાસ
PM મોદીએ ટ્વિટ પર ઉપલબ્ધિને વખાણી
વર્ષ 2022-23માં ભારતનાં હથિયારોનો નિકાસ 15920 કરોડ રૂપિયાનો થયો હતો જે અત્યારસુધીનો સૌથી મોટો રેકોર્ડ છે. પ્રધાનમંત્રી નરેન્દ્ર મોદીએ આ ઉપલબ્ધિને લઈને શનિવારે રક્ષામંત્રાલયને વધામણી આપી. PM મોદીએ કહ્યું કે ડિફેન્સ એક્સપોર્ટનો રેકોર્ડ આ સ્તર પર પહોંચવું એ છેલ્લાં કેટલાક દિવસોમાં આ ક્ષેત્રમાં કરવામાં આવેલા સુધારાનું સારું પરિણામ છે. તેમણે ટ્વિટ કર્યું કે કેન્દ્ર સરકાર ભારતને રક્ષા ઉત્પાદન કેન્દ્ર બનાવવાનાં પ્રયાસોનું સમર્થન કરવાનું ચાલુ રાખશે.
ટ્વિટ પર પ્રતિક્રિયા આપી કર્યાં વખાણ
PM મોદીએ રક્ષામંત્રી રાજનાથસિંહનાં ટ્વિટ પર પ્રતિક્રિયા આપી. પ્રધાનમંત્રીએ લખ્યું, 'શાનદાર! આ સ્પષ્ટરૂપે ભારતની પ્રતિભા અને 'મેક ઈન ઈન્ડિયા' પ્રતિ ઉત્સાહને દર્શાવે છે. તેનાથી એ પણ ખ્યાલ આવે છે કે છેલ્લાં કેટલાક વર્ષોથી રક્ષાનાં ક્ષેત્રમાં કરવામાં આવેલા સુધાર સારા પરિણામો આપી રહ્યાં છે. આપણી સરકાર ભારતને રક્ષા ઉત્પાદન કેન્દ્ર બનાવવાનાં પ્રયાસોને સમર્થન કરવાનું ચાલુ રાખશે.'
2022-23માં ડિફેન્સ એક્સપોર્ટ 15920 કરોડ રૂપિયા
આ પહેલા રક્ષામંત્રી રાજનાથ સિંહે જણાવ્યું કે દેશનું ડિફેન્સ એક્સપોર્ટ વર્ષ 2022-23માં 15920 કરોડ રૂપિયા પર પહોંચ્યુ જે અત્યારનો સર્વાધિક છે. તેમણે આ વૃદ્ધિને એક ઉપલબ્ધિ કરાર કરી. ઓફિશિયલ આંકડાઓ અનુસાર 2021-22માં દેશનું રક્ષા નિકાસ 12814 કરોડ રૂપિયા હતું.
Excellent! A clear manifestation of India’s talent and the enthusiasm towards ‘Make in India.’ It also shows the reforms in this sector over the last few years are delivering good results. Our Government will keep supporting efforts to make India a defence production hub. https://t.co/AL3sLknFOL
રાજનાથ સિંહે PM મોદીને આપ્યું શ્રેય
તેમણે કહ્યું PM મોદીનાં પ્રેરણાદાયક નેતૃત્વમાં આપણો ડિફેન્સ એક્સપોર્ટ તેજીથી વધતું રહેશે. સિંહએ આપેલી જાણકારી અનુસાર ભારતે 2020-21માં 8434 કરોડ રૂપિયા, 2019-20માં 9115 કરોડનાં સેન્ય હાર્ડવેરની નિકાસ કરી હતી.
આશરે 85 દેશોને ભારત કરે છે સપ્લાય
છેલ્લાં કેટલાક વર્ષોમાં સરકારે ઘરેલૂ રક્ષા ઉત્પાદનને પ્રોત્સાહન આપવા માટે અનેક પગલાંઓ લીધા છે. ભારત હાલમાં 85 દેશોને મિસાઈલો, એડવાન્સ લાઈટ હેલીકોપ્ટર, જહાજો, સુરક્ષા ગિયર, સર્વિલાંસ સિસ્ટમ અને વિવ્ધ પ્રકારનાં રડાર સહિત સૈન્ય હાર્ડવેર નિકાસ કરે છે.નિકાસ ક્ષમતાવાળા હથિયારો અને સિસ્ટમ્સમાં હળવા લડાકૂ વિમાન તેજસ, વિભિન્ન પ્રકારનાં હેલીકોપ્ટરસ આર્ટિલરી ગન વગેરે શામેલ છે.