INDvsWI: મુંબઇમાં ભારતે લીધો બદલો ચોથી વનડેમાં સિરીઝમાં વેસ્ટ ઇન્ડીઝને 224 રને હરાવ્યુ

મુંબઇઃ ટીમ ઇન્ડિયાએ વેસ્ટઇન્ડીઝને મુંબઇના બ્રેબૉર્ન સ્ટેડિયમમાં રમાયેલ ચોથી વનડેમાં 224 રને હરાવીને પાંચ મેચની વનડે સીરીઝમાં 2-1થી જીત મેળવી છે. આ મેચમાં જીતની સાથે જ ભારતે આ નક્કી કર્યું કે તેઓ આ વનડે સીરીઝ ન હારી શકે હવે તિરૂવનંતપુરમમાં રમાયેલ પાંચમી અને છેલ્લી વનડેમાં સીરીઝનો નિર્ણય થશે.

ગુવાહાટીમાં રમાયેલ પહેલી વનડે ભારતના નામે રહી હતી જ્યારે વિશાખાપટ્ટનમમાં રમાયેલ બીજી મેચ ટાઇ રહી હતી. પુણેમાં રમાયેલ ત્રીજી વનડેમાં વેસ્ટઇન્ડીઝે જીત દાખલક કરતા સીરીઝ 1-1થી બરાબર કરી લીધી. પરંતુ મુંબઇમાં ભારતે હારનો બદલો લેતા વેસ્ટઇન્ડીઝને 224 રને હરાવી મોટી હાર આપી દીધી.

મુંબઇ વનડેમાં ટોસ જીતીને પહેલા બેટિંગ કરતા ટીમ ઇન્ડિયાએ 50 ઓવરમાં 5 વિકેટ ગુમાવીને 377 રન બનાવ્યા અને વેસ્ટઇન્ડીઝની જીત માટે 378 રનનો લક્ષ્યાંક આપ્યો હતો. જેના જવાબમાં વેસ્ટઇન્ડીઝની ટીમ 36.2 ઓવરમાં 153 રન પર ફિંડળુ વળી ગઇ હતી. વેસ્ટઇન્ડીઝ તરફથી કેપ્ટન જેસન હોલ્ડરે સૌથી વધુ 54 રન બનાવ્યા.