ક્રિકેટ / ટીમ ઈન્ડીયાને બેવડો ફટકો, ઓસ્ટ્રેલિયા સામેની વનડેમાં પરાજય, સિરિઝની સાથે નંબર-1નો ખિતાબ પણ ગુમાવ્યો

• ચેન્નઈમાં ટીમ ઈન્ડીયાનો ખરાબ રેકોર્ડ
• ઓસ્ટ્રેલિયા સામેની ત્રીજી વનડેમાં પરાજય
• વનડે સિરિઝની સાથે નંબર-1નો ખિતાબ પણ ગુમાવ્યો 

ચેન્નઈના ચેપોક સ્ટેડિયમમાં રમાયેલી અંતિમ અને નિર્ણાયક વનડે ભારતે ગુમાવી દીધી છે. ઓસ્ટ્રેલિયાએ ત્રીજી વનડેમાં ભારતને 21 રનથી પરાજય આપીને 2-1થી વનડે સિરિઝ કબજે કરી લીધી છે. પહેલા બેટિંગ કરીને ઓસ્ટ્રેલિયાએ નિર્ધારીત ઓવરમાં 269 રન કર્યાં હતા. 270 રનનો પીછો કરવા ઉતરેલી ટીમ ઈન્ડીયા 49.1 ઓવરમાં 248 રન જ બનાવી શકી હતી આ રીતે તેનો 21 રને પરાજય થયો હતો. 

#INDvsAUS | Virat Kohli's (54) half-century goes in vain as Australia beat India by 21 runs in the third and last ODI of the series winning the series 2-1.

(Pic: BCCI) pic.twitter.com/3ENl0xIMDa

— ANI (@ANI) March 22, 2023

સિરિઝની સાથે નંબર વનનું રેન્કિંગ પણ ગુમાવ્યું 
ત્રીજી વનડેમાં પરાજયની સાથે ભારતને બેવડો ફટકો પડ્યો છે. એક તો સિરિઝ પણ ગુમાવી અને બીજું વનડે રેન્કિંગમાં નંબર વનનો તાજ પણ છીનવાયો છે. આ સિરિઝ જીતની સાથે ઓસ્ટ્રેલિયા ભારતને પછાડીને વનડે રેન્કિંગમાં નંબર 1 પર પહોંચ્યું છે. 

What a game 💥

Australia clinch the decider in Chennai to bag the ODI series 2-1 🙌#INDvAUS | 📝: https://t.co/ugxHxHyT1z pic.twitter.com/5kU9WRDiYP

— ICC (@ICC) March 22, 2023

ઓસ્ટ્રેલિયાના 269 રનના જવાબમા ભારત 248 રન બનાવી શક્યું 
ચેન્નઈના ચોપાક સ્ટેડિયમમાં રમાયેલી ત્રીજી અને નિર્ણાયક વનડેમાં ટોસ જીતીને પહેલા બેટિંગ માટે ઉતરેલી ઓસ્ટ્રેલિયાની ટીમે નિર્ધારીત 50 ઓવરમાં  269 રન બનાવ્યાં હતા. ઓસ્ટ્રેલિયાના મિચેલ માર્શે સૌથી વધારે 47 રન ત્યાર બાદ એલેક્સ કેરીએ 38 રન બનાવ્યાં હતા. કેપ્ટન સ્ટીવ સ્મિથ ઝીરો પર આઉટ થયો હતો. 

હાર્દિક પંડ્યાં-કુલદીય યાદવે ઝડપી 3-3 વિકેટ
ત્રીજી વનડેમાં ભારતે જોરદાર બોલિંગ કરી હતી જેને કારણે ટીમ ઓસ્ટ્રેલિયા મોટો સ્કોર કરી શકી નહોતી. ભારત વતી હાર્દિક પંડ્યાંએ 8 ઓવરમાં 44 રન આપીને 3 વિકેટ ઝડપી હતી. તેના પછી કુલદીય યાદવે પણ તરખાટ મચાવ્યો હતો. કુલદીપે 10 ઓવરમાં 56 રન આપીને  3 વિકેટ ઝડપી હતી. તે ઉપરાંત મોહમ્મદ સિરાઝ અને અક્ષર પટેલે પણ 2-2 વિકેટ ઝડપી હતી.