અમદાવાદના મોટેરામાં આવેલા નરેન્દ્ર મોદી સ્ટેડિયમ ટીમ ઈન્ડીયાને ફળ્યું છે. નરેન્દ્ર મોદી સ્ટેડિયમ સ્ટેડિયમમાં રમાયેલી પહેલી વનડેમાં રોહિતની આગેવાનીમા ટીમ ઈન્ડીયાએ મહેમાન ટીમ વેસ્ટઈન્ડીઝને 6 વિકેટથી પરાજય આપીને સીરિઝમાં 1-0થી બઢત હાંસલ કરી લીધી છે. ટોસ હારીને પ્રથમ બેટિંગ કરવા ઉતરેલી વેસ્ટ ઈન્ડિઝની ટીમ 43.5 ઓવરમાં 176 રનમાં ઓલઆઉટ થઈ ગઈ હતી
કેપ્ટન રોહિત શર્મા અને સૂર્યકુમાર યાદવની જોરદાર બેટિંગ
કેપ્ટન રોહિત શર્માની અડધી સદી અને સૂર્યકુમાર યાદવની જોરદાર બેટિંગને આધારે ટીમ ઈન્ડીયાએ 177 રનનો ટાર્ગેટ ખૂબ આસાનીથી હાંસલ કરી લીધો હતો. રોહિત શર્માએ 51 બોલમાં 60 રન કરીને ટીમ ઈન્ડીયાની જીતમાં મોટું યોગદાન આપ્યું. ઈશાન કિશને પણ 28 રન બનાવ્યાં હતા. બન્નેની વચ્ચે પહેલી વિકેટ માટે 84 રનની ભાગીદારી કરી હતી. વિરાટ કોહલી અને પંત ખાસ કંઈ ઉકાળી શક્યા નહોતા. વિરાટે 8 રન પર પહેલી વિકેટ ગુમાવી હતી અને પંત 11 રન કરીને આઉટ થયો હતો.
યુજવેન્દ્ર ચહલ અને વોશિંગ્ટન સુંદરે 7 વિકેટ ઝડપી
ભારતની જીતમાં બોલરની પણ ખાસ મહત્વની ભૂમિકા રહી. સ્પિનર યુજવેન્દ્ર ચહલ અને વોશિંગ્ટન સુંદરે 7 વિકેટ ઝડપીને વેસ્ટઈન્ડીઝને માત કરી દીધું હતું. અને આ રીતે પહેલી વનડે પોતાની નામે કરી લીધી હતી. ચહલે 49 રન આપીને 4 વિકેટ તો વોશિંગ્ટને 9 ઓવરમાં 30 રન આપીને 3 વિકેટ લીધી હતી. પ્રસિદ્ધ કૃષ્ણાએ પણ 10 ઓવરમાં ફક્ત 29 રન આપીને 2 વિકેટ ઝડપી હતી.
વેસ્ટ ઈન્ડિઝની અડધી ટીમ 71 રન પર પેવેલિયન પરત ફરી હતી
ટોસ હાર્યા બાદ પ્રથમ બોલિંગ કરવાનો નિર્ણય ભારત માટે યોગ્ય હતો. વેસ્ટ ઈન્ડિઝે 71ના સ્કોર પર પોતાની 5 વિકેટ ગુમાવી દીધી હતી. શાઈ હોપ (8) રન બનાવીને મોહમ્મદ સિરાજના હાથે બોલ્ડ થયો હતો. ભારતને બીજી સફળતા વોશિંગ્ટન સુંદરે બ્રેન્ડન કિંગ (13)ને આઉટ કરીને અપાવી હતી. સુંદરે આ ઓવરમાં ડેરેન બ્રાવો (18)ને DRS પર LBW આઉટ કર્યો હતો. ટીમ ઈન્ડિયાએ શાનદાર શરૂઆત કરતા 50 રનની અંદર વેસ્ટ ઈન્ડિઝની ત્રણ વિકેટ ઝડપી હતી.
1000મી વનડે ખાસ
ભારતે તેની પ્રથમ વનડે 1974માં ઈંગ્લેન્ડ સામે રમી હતી. 48-વર્ષના ODI ઈતિહાસમાં મેન ઇન બ્લુએ બે વર્લ્ડ કપ (1983, 2011) જીત્યા છે. ટીમે 2000 અને 2013માં ICC ચેમ્પિયન્સ ટ્રોફી પણ જીતી હતી.
A sparkling performance from India in their 1⃣0⃣0⃣0⃣th ODI 💥
વેસ્ટ ઈન્ડીઝ સામેની 3 મેચની સિરિઝમાં ભારતને પહેલી જીત મળી છે. ટીમ ઈન્ડીયાએ 1-0થી સિરિઝમાં હાથ ઉપર કરી લીધો છે. ઉલ્લેખનીય છે કે શરૂઆત પહેલા ટીમ ઈન્ડિયાના ખેલાડીઓએ લતા મંગરેશ્કરના સન્માનમાં 2 મિનિટનું મૌન પણ રાખ્યુ હતું.