નાણામંત્રી નિર્મલા સીતારમણે કહ્યું કે, ભારતે રશિયા પાસેથી ડિસ્કાઉન્ટમાં કાચુ તેલ ખરીદ્યું છે અને તેઓ આગળ પણ ખરીદવાનું શરૂ રાખશે.
ભારત રશિયાથી તેલ ખરીદવાનું શરૂ કરી દીધું છે
ભારતના લોકોને વૈશ્વિક ભાવોના ઉછાળા બાદ છૂટ પર તેલની જરૂરિયાત
ભારતની સાથે રક્ષા ક્ષેત્રે રશિયા પોતાનો સહયોગ યથાવત્ રાખવા માટે પ્રતિબદ્ધ
ભારતના નાણામંત્રી નિર્મલા સીતારમણે શુક્રવારે કહ્યું કે, ભારત રશિયાથી કાચા તેલની ખરીદી શરૂ રાખશે. તેના કારણે ભારતના લોકોને વૈશ્વિક કિમતોમાં ઉછાળા બાદ છૂટ પર તેલની જરૂરિયાત છે. તેમણે કહ્યું કે, ભારતે રશિયાથી તેલ ખરીદવાનું શરૂ કરી દીધું છે. ગેસ પર ટ્રાંજિશન પડકારરૂપ હતું કારણ કે જરૂરિયાત ઓછી થઇ ગઇ હતી. નાણામંત્રીએ કહ્યું કે, ભારતે રશિયા પાસેથી 3-4 દિવસની જરૂરિયાતનું તેલ ખરીદ્યું છે. પેટ્રોલિયમ મંત્રી હરદીપસિંહ પુરી હજુ વધુ તેલ ખરીદવાના પ્લાન પર કામ કરી રહ્યા છે. રશિયાએ ભારતને 35 ડૉલર પ્રતિ બેરલની છૂટની સાથે ઉરલ્સ ગ્રેડ ઑઇલ ખરીદવાની ઓફર આપી છે.
સસ્તા ક્રૂડથી ફાયદામાં રહેશે ભારત
સીતારમણે કહ્યું કે, ભારત માટે એક સારી ડીલની તલાશ કરવી સ્વાભાવિક છે. રાષ્ટ્ર હિત અને ઉર્જા સુરક્ષા સૌથી પહેલા છે અને જો ઓઇલ ડિસ્કાઉન્ટમાં મળે છે તો શું તેને ન ખરીદવું જોઇએ? સસ્તા ક્રૂડથી ભારત ફાયદામાં રહેશે.
આ વચ્ચે રશિયાના વિદેશ મંત્રી સર્ગેઈ લાવરોવે શુક્રવારે કહ્યું કે, રશિયાએ ભારત જેવા દેશોની સાથે રાષ્ટ્રીય ચલણમાં વેપાર કરવા માટે એક પ્રણાલી વિકસિત કરી છે અને ડૉલર બેસ્ડ ચૂકવણી દૂર થવાના પ્રયાસ તેજ કરવામાં આવશે. સર્ગેઈ લાવરોવ નવી દિલ્હીના પ્રવાસે છે.
દ્વિપક્ષીય વેપારની અડચણોને દૂર કરવાના શોધી રહ્યા છે રસ્તા
વિદેશ મંત્રી એસ. જયશંકર સાથે વાતચીત બાદ લાવરોવે કહ્યું કે, રશિયા પોતાના સહયોગિઓ અને ભાગીદારોની સાથે દ્વિપક્ષીય વેપાર માટે અડચણોને દૂર કરવાના રસ્તા શોધી રહ્યું છે. વધુમાં કહ્યું કે, ભારતની સાથે વેપાર માટે રૂપિયા-રૂબલ ચૂકવણી પ્રણાલી પહેલા લાગૂ કરવામાં આવી હતી અને તેને મજબૂત કરી શકાય છે. વધુમાં વધુ લેવડદેવડ, રાષ્ટ્રીય ચલણોનો ઉપયોગ કરીને અને ડોલર આધારિત પ્રણાલીને સાઇડલાઇન કરતા કરવામાં આવશે.
જે ભારત ખરીદવા ઇચ્છે, આપવા માટે તૈયાર
રશીયા તેલ ખરીદવાની નવી દિલ્હીની યોજના અંગે પૂછવા પર લાવરોવે કહ્યું કે, મોસ્કો ત્યાં કંઇ પણ આપવા માટે તૈયાર છે જે ભારત ખરીદવા ઇચ્છતું હોય.
રશિયાના વિદેશ મંત્રીએ યૂક્રેન સંકટ પર ભારતના વલણના વખાણ કરતા કહ્યું કે તેઓ એક સ્વતંત્ર વિદેશ નીતિનું પાલન કરે છે. તેમણે કહ્યું કે, ભારતની સાથે રક્ષા ક્ષેત્રે રશિયા પોતાનો સહયોગ જાહરે કરવા માટે પ્રતિબદ્ધ છે.
અમેરિકાના પ્રેશરમાં ઝૂકશે નહીં ભારત
યૂક્રેન પર આક્રમણ બાદ અમેરિકા અને બ્રિટેને રશિયા પર કડક પ્રતિબંધ લગાવ્યા છે. અમેરિકા અને બ્રિટિશ અધિકારી રશિયાની સાથે ડૉલર બેસ્ડ નાણાકીય પ્રણાલીને ઓછી કરવાથી બચવા અને પ્રતિબંધોનું પાલન કરવાને લઇને ભારત પર પ્રેશર કરી રહ્યા છે.