ભારતમાં બુધવારે કોરોનાના લગભગ 16800 નવા કેસ આવ્યા હતા. આ સાથે દુનિયામાં દેશમાં કોરોનાનો આંક 4.72 લાખથી વધ્યો છે. દેશમાં કોરોનાથી 14900થી વધારે લોકોના મોત થઈ ચૂક્યા છે. દેશમાં સતત વધી રહેલા પોઝિટિવ કેસને કારણે કોરોનાનો આંક કૂદકેને ભૂસકે વધી રહ્યો છે. કેસ વધતાંની સાથે જ ડેથ રેટમાં પણ વધારો થતો જોવા મળી રહ્યો છે. આ જ કારણ છે કે આવતીકાલ સુધીમાં કોરોનાના સંક્રમણનો આંક 5 લાખને પાર પહોંચી શકે છે.
દેશમાં કોરોનાનો વધી રહ્યો છે કહેર
દેશમાં કોરોનાનો આંક 4.72 લાખને પાર
દેશમાં થઈ ચૂક્યા છે 14900થી વધુ લોકોના મોત
ભારતમાં કોરોનાએ રેકોર્ડતોડ રફ્તાર પકડી છે. જૂનમાં રોજ આવનારા કોરોના કેસમાં લગભગ રોજ વધારો થઈ રહ્યો છે. મોત પણ રોજ 400નો આંક પાર કરી રહી છે. આંકડા પર નજર કરીએ તો 25 અને 26 જૂનની તારીખો ખાસ છે. ભારતમાં 25 જૂન ગુરુવારે મોતની સંખ્યા 15 હજારને પાર કરશે. એટલે કે આવતીકાલે 26 જૂને દેશમાં કોરોનાના કેસ 5 લાખને પાર થશે. દેશમાં સૌથી વધુ કેસ મહારાષ્ટ્રમાં છે.
દેશમાં કોરોનાનો રિકવરી રેટ 57 ટકાથી વધુ
ભારતમાં બુધવારે કુલ કેસ 4.72 લાખથી વધ્યા છે. તેમાં મૃત્યુ પામનારની સંખ્યા 14900થી વધારે છે. વર્લ્ડોમીટર અનુસાર બુધવારે રાતે 11.45 સુધી ભારતમા 16832 કેસ આવ્યા હતા. વેબસાઈટ અનુસાર દેશમાં 1.86 લાખથી વધારે કોરોનાના એક્ટિવ કેસ છે જ્યારે 2.71 લાખ લોકો કોરોનાથી સાજા થઈને પાછા આવ્યા છે. દેશમાં કોરોનાનો રિકવરી રેટ 57 ટકાથી પણ વધારે છે.
રોજ થઈ રહ્યા છે 400થી વધારે મોત
ભારતમાં કોરોનાની હાલની સ્થિતિ જોતાં સરળતાથી કહી શકાય કે શુક્રવારે દેશમાં કોરોનાના પોઝિટિવ કેસ 5 લાખથી વધુ હશે. આનું કારણ દેશમાં રોજ વધી રહેલા કોરોનાના કેસ છે. ભારતમાં છેલ્લા 4માંથી 3 દિવસમાં 15 હજારથી વધુ કેસ આવ્યા છે. આ રીતે છેલ્લા 3 માંથી 2 દિવસમાં 400થી વધુ મોત થયા છે.
ડેથ રેટ વધીને 11 થયો
ભારતમાં કોરોનાથી મોતનો આંક 15 હજારની પાસે પહોંચતાની સાથે ડેથ રેટ પણ વધ્યો છે. દેશમાં મંગળવાર સુધી કોરોનાનો ડેથ રેટ 10 (પ્રતિ 10 લાખ આબાદી) હતો. બુધવારે દેશમાં 400 લોકોએ જીવ ખોવ્યો છે.દેશમાં ડેથ રેટ વધીને 11 થયો છે. પાડોશી દેશની વાત કરીએ તો પાકિસ્તાન અને અફઘાનિસ્તાનમાં ડેથ રેટ ભારતથી વધુ છે. નેપાળ, ભૂટાન, ચીન, બાંગ્લાદેશમાં ડેથ રેટ ભારતથી ઓછો છે. દુનિયાનો લગભગ અંદાજિત ડેથ રેટ 61 છે.
બ્રાઝિલમાં આવી રહ્યા છે સૌથી વધારે કેસ
દુનિયાની વાત કરીએ તો આ સમયે સૌથી વધારે કેસ બ્રાઝિલમાં આવી રહ્યા છે. અહીં મંગળવારે લગભગ 40 હજાર નવા કેસ આવ્યા છે. અમેરિકામાં 36 હજાર કેસની સાથે તે બીજા નંબરે છે. કુલ કેસ અને મોતમાં અમેરિકા નંબર 1 અને બ્રાઝિલ નંબર 2 પર છે. અમેરિકામાં અત્યાર સુધીમાં 24.50 લાખ કેસ આવી ચૂક્યા છે અને 1.24 લાથ મોત થયા છે. બ્રાઝિલમાં 11.60 લાખ કેસ અને 53 હજાર મોત થયા છે.