BIG NEWS / સાવધાન: ભારતમાં વધી રહ્યા છે કોરોનાના નવા કેસો, સતત બીજા દિવસે પણ આવ્યા 13 હજારની આસપાસ કેસ

• દેશમાં કોરોનાનો કેસોને ફરી એક વાર રાફડો ફાટ્યો
• સતત બીજા દિવસે પણ 13 હજારની આસપાસ કેસો આવ્યા
• નવા કેસોમાં થઈ રહ્યો છે મોટો વધારો

ભારતમાં કોરોનાના રફ્તાર ઓછી થવાનું નામ નથી લેતી. દેશમાં ફરી એક વાર સતત બીજા દિવસે પણ 13 હજાર કોરોનાના કેસો સામે આવ્યા છે. સ્વાસ્થ્ય મંત્રાલય તરફથી જાહેર કરવામાં આવેલા આંકડા અનુસાર છેલ્લા 24 કલાકમાં કુલ 12,899 નવા કેસ સામે આવ્યા છે. તો વળી 15 લોકોના કોરોનાથી મોત થઈ ગયા છે. નવા આંકડા બાદ એક્ટિવ કેસની કુલ સંખ્યા 72, 474 સુધી પહોંચી ચુકી છે. જે દેશ માટે એક બહું ચિંતાનો વિષય છે. 

COVID19 | India reports 12,899 fresh infections & 15 deaths today; Active cases rise to 72,474 pic.twitter.com/aqHyJhGTdn

— ANI (@ANI) June 19, 2022

જો કે, એક દિવસ પહેલાના આંકડા સાથે સરખામણી કરીએ તો, આજે લગભગ 400 કેસો ઓછા આવ્યા છે. 18 જૂને દેશમાં કુલ 13, 216 નવા કોરોનાના કેસ આવ્યા હતા. 113 દિવસમાં પહેલી વાર એવું થયું છે કે, દેશમાં સંક્રમણ 13,000થી વધારે કેસો નોંધાયા છે. 

સ્વાસ્થય મંત્રાલયે જણાવ્યું હતું કે, છેલ્લા 24 કલાકમાં કોવિડ વેક્સિનની 13 લાખ 24 હજાર 591 ડોઝ પણ લગાવામાં આવ્યા છે. ત્યારે આવા સમયે વેક્સિનના કુલ 196 કરોડ  (1,96,14,88,807) થી વધારે ડોઝ દેશભરમાં લગાવામાં આવી ચુક્યા છે. છેલ્લા 24 કલાકમાં ચાર લાખ 46 હજાર, 387 કોરોના ટેસ્ટ પણ કરવામાં આવ્યા છે.