BIG NEWS / બ્રિટનના ગૃહમંત્રીએ હવે હદ પાર કરી: ઈન્ડિયન્સના વિઝા પર આપ્યું નિવેદન, ભારતે પણ આપ્યો જવાબ

• સુએલા બ્રેવરમેનના નિવેદન પર ભારતનો વળતો જવાબ
• MMP પોલીસીને લઈને બ્રિટિશ ગૃહ સચિવે આપ્યું હતું નિવેદન
• વિઝા સમયગાળા પછી પણ યુકેમાં લોકો વધુ સમય રહે છે

ભારતીય મૂળના બ્રિટિશ ગૃહ સચિવ સુએલા બ્રેવરમેને માઇગ્રેશન એન્ડ મોબિલિટી પાર્ટનરશિપ (MMP) પરના નિવેદનનો ભારત તરફથી જવાબ આવ્યો છે. ભારતીય હાઈકમિશન દ્વારા જારી કરવામાં આવેલા નિવેદનમાં કહેવામાં આવ્યું છે કે ભારત સરકાર યુકે સાથે મળીને કામ કરવા માટે પ્રતિબદ્ધ છે અને તેના નાગરિકોને પાછા લેવામાં મદદ કરશે જેઓ વિઝા સમયગાળા પછી યુકેમાં વધુ સમય રોકાઈ રહ્યા છે.

સુએલા બ્રેવરમેને ઉઠાવ્યા સવાલો
બ્રિટનના ગૃહ સચિવ સુએલા બ્રેવરમેને કહ્યું હતું કે ભારત 'માઇગ્રેશન એન્ડ મોબિલાઇઝેશન પાર્ટનરશિપ' માં સારું કામ નથી કરી રહ્યું અને કહ્યું હતું કે તે બ્રિટન દ્વારા ઉઠાવવામાં આવેલા તમામ મામલામાં કાર્યવાહી કરી રહ્યું છે. ત્યારબાદ, બ્રેવરમેનના ધ સ્પેક્ટરને આપેલા ઇન્ટરવ્યુના જવાબમાં, ભારતીય હાઈ કમિશને જણાવ્યું હતું કે ભારત ગયા વર્ષે એમએમપી હેઠળ બ્રિટીશ સરકાર દ્વારા કરવામાં આવેલા કેટલાક વચનો પર "નક્કર પ્રગતિ" ની રાહ જોઈ રહ્યું છે. આ ઈન્ટરવ્યૂમાં બ્રેવરમેને કહ્યું હતું કે, સૌથી વધુ ભારતીયો તેમના વિઝાની મુદત પૂરી થયા બાદ પણ યુકેમાં રહે છે. તેમણે કહ્યું હતું કે આનાથી બ્રિટનમાં ભારતીયોની ભીડ વધી શકે છે.

Indian High commission on comments made by UK's Interior minister UK FTA: any comment on these matters may not be appropriate given that the negotiations are underway pic.twitter.com/q1S9TnKyqa

— Sidhant Sibal (@sidhant) October 7, 2022

ગૃહ વિભાગે નક્કર પગલા લેવા કહ્યું
"એમએમએ હેઠળ વિસ્તૃત ચર્ચાના ભાગરૂપે, ભારત સરકાર યુનાઇટેડ કિંગડમની સરકાર સાથે નજીકથી કામ કરવા માટે પ્રતિબદ્ધ છે, અને વિઝાની મુદત પૂરી થયા પછી ત્યાં રહેતા લોકોની વાપસી પર કામ કરશે. "ગૃહ વિભાગ દ્વારા દર્શાવવામાં આવેલા આંકડા મુજબ, હાઈ કમિશનને રિફર કરવામાં આવેલા તમામ કેસોમાં કાર્યવાહી શરૂ કરવામાં આવી છે. આ ઉપરાંત યુકેએ એમએમએ અંતર્ગત કેટલાક વાયદાઓ પણ પૂરા કરવા માટે કહ્યું છે, જેના પર અમે નક્કર પગલાં લેવાય તેની રાહ જોઇ રહ્યા છીએ.