મહામારી / કોરોના વાયરસ ટોપ ગીયરમાં : ભારત માટે ખતરા સમાન છે આ સંકેત

• ભારતમાં કોરોના વાયરસના કેસમાં સતત વિસ્ફોટ 
• છેલ્લા 24 કલાકમાં 24805 નવા કેસ
• રશિયાને પાછળ કરી ત્રીજો સૌથી પ્રભાવિત દેશ 

રશિયા કરતા આગળ નીકળી જશે ભારત 

કોરોના વાયરસનો કહેર ભારતમાં સતત વધી રહ્યો છે, વાયરસના કારણે દરરોજ કેસની સંખ્યામાં વધારો થઇ રહ્યો છે. કોરોબા વાયરસની રફતાર ટોપ ગીયરમાં  છે એવામાં રશિયાને પાછળ કરીને આજે ભારત વિશ્વનો ત્રીજો સૌથી પ્રભાવિત દેશ બની શકે છે. રશિયા અને ભારતનાં કુલ કોરોના વાયરસ કેસમાં હવે ખૂબ ઓછું અંતર રહી ગયું છે. રશિયા અને ભારતનાં કોરોના વાયરસના કેસમાં રવિવાર બપોરે 12 વાગ્યે વર્લ્ડોમીટર મુજબ માત્ર બસો કેસનું અંતર રહી ગયું છે. 

સતત વધી રહ્યા છે કેસ 

ભારતમાં રવિવારે નવા કેસની સંખ્યા ઉમેરી દેતા 674,312 કુલ કેસ છે જ્યારે 674,515 કેસ સાથે રશિયા ત્રીજા ક્માંકે છે. જે રીતે કોરોના વાયરસના કેસની સંખ્યામાં ભડકો થઇ રહ્યો છે તેને જોતા ખૂબ જલ્દી રશિયાને પાછળ કરીને ભારત વિશ્વમાં સૌથી પ્રભાવિત દેશોમાં ત્રીજા ક્રમાંકે પહોંચી જશે. 

24 કલાકમાં ગુજરાતમાં 712 નવા કેસ આવ્યા

દેશમાં કોરોનાના કેસ સતત વધી રહ્યા છે ત્યારે શનિવારે દેશમાં કોરોનાએ તમામ રેકોર્ડ તોડી દીધા છે. દેશમાં પહેલીવાર 24805 નવા કેસ આવ્યા છે. આ સાથે જ 24 કલાકમાં 613 લોકોના મોત પણ થયા છે. કોરોનાથી દેશમાં અત્યાર સુધીમાં 19268 દર્દીઓએ પોતાના જીવ ગુમાવ્યા છે. છેલ્લા 24 કલાકમાં ગુજરાતમાં 712 નવા કેસ આવ્યા છે. 

ભારતમાં મહારાષ્ટ્ર, દિલ્હી, દક્ષિણ ભારતના રાજ્યોમાં કોરોનાના કેસની સંખ્યા સતત વધી રહી છે. મહારાષ્ટ્રમાં પ્રથમ વખત 24 કલાકમાં 7 હજારથી વધુ કેસ નોંધાઇ ચૂક્યા છે જ્યારે રાજસ્થાનમાં પણ 24 કલાકમાં 400થી વધુ કેસ સામે આવ્યા છે. તેલંગાણા, કર્ણાટક, બેંગાલુરુમાં પણ સંક્રમણ સતત વધી રહ્યું છે.