કોરોના હાંફ્યો! / 715 દિવસ બાદ પ્રથમ ઘટના: ગત 24 કલાકમાં 913 નવા કેસ, જાણો દેશમાં હવે કેટલાં એક્ટિવ કેસ બચ્યા?

• દેશમાં કોરોનાના 13,000 કરતા પણ ઓછાં એક્ટિવ કેસ
• છેલ્લાં 24 કલાકમાં નવા 913 કેસ તો ગઈ કાલ કરતાં 16.7 ટકા ઓછાં
• છેલ્લાં 24 કલાકમાં 1316 લોકો કોરોનાથી સાજા થયા તો 13નાં મોત

દેશમાં છેલ્લાં 24 કલાકમાં કોરોના (Covid-19)ના નવા 913 કેસ નોંધાયા છે, જેનાથી કોરોનાના કુલ કેસોની સંખ્યા 43, 029,044 થઈ ગઈ છે. એક્ટિવ કેસની વાત કરીએ તો તે 12,597 છે. છેલ્લાં 24 કલાકમાં 1316 લોકો કોરોનાથી સાજા થયા છે. દેશમાં અત્યાર સુધીમાં કુલ 42,495,089 લોકો કોરોનાથી સાજા થયા છે. દેશમાં છેલ્લાં 24 કલાકમાં, કોરોનાના કારણે 13 લોકોના મોત થયા છે ત્યારે અત્યાર સુધીમાં કુલ 5,21,358 લોકોના મોત થયા છે. દેશમાં છેલ્લાં 24 કલાકમાં 2,84,073 વેક્સિનેશન થયું છે. ત્યારે અત્યાર સુધીમાં કુલ 1,84,70,83,279 લોકોનું રસીકરણ કરવામાં આવ્યું છે.

India's daily #COVID19 cases drop below 1000 after 715 days; reports 913 fresh cases, 1316 recoveries and 13 deaths in the last 24 hours.

Active cases: 12,597 (less than 13,000 after 714 days)
Death toll: 5,21,358
Daily positivity rate: 0.29%

Total vaccination: 1,84,70,83,279 pic.twitter.com/ljFlSgLiap

— ANI (@ANI) April 4, 2022

ચીનમાં કોરોનાના કેસમાં ખૂબ જ ઝડપથી થઇ રહ્યો છે વધારો

જણાવી દઈએ કે, છેલ્લાં કેટલાંક દિવસોમાં ચીનમાં કોરોનાના કેસ ખૂબ જ ઝડપથી વધી રહ્યાં છે. રવિવારે ચીનમાં 13,146 કોરોનાના કેસ નોંધાયા હતાં. જે બે વર્ષ કરતા પણ વધુ સમય પહેલાના પ્રથમ પીક વેવ બાદ સૌથી વધુ છે. નેશનલ હેલ્થ કમિશને એક નિવેદનમાં જણાવ્યું હતું કે, "1455 લક્ષણોવાળા દર્દીઓ હતાં, જેમાંથી 11,691 વગર કોઇ લક્ષણવાળાનાં કેસ નોંધાયા છે. જો કે, કોઈ નવા મોત નથી નોંધાયા.'

ચીનમાં કોરોનાને કારણે 25 મિલિયન લોકો ઘરમાં કેદ

ચીનના નાણાકીય કેન્દ્ર શાંઘાઈમાં કોરોના સંક્રમણથી સ્થિતિ ખૂબ જ ખરાબ છે. જેના કારણે તમામ 25 મિલિયન લોકોને ઘરે જ રહેવાનો આદેશ આપવામાં આવ્યો છે, જેથી સંક્રમણને નિયંત્રિત કરી શકાય. શિપિંગ દિગ્ગજ માર્સકએ શુક્રવારે જણાવ્યું હતું કે, શહેરમાં કેટલાંક ડેપો બંધ રહ્યાં છે અને લોકડાઉનના કારણે અનેક સેવાઓને અસર થવાની સંભાવના છે. જેના કારણે શહેરમાં આવશ્યક ચીજવસ્તુઓનો પુરવઠો ખોરવાઈ રહ્યો છે.

WHOના તાજેતરના રિપોર્ટમાં સામે આવી કોરોનાના નવા વેરિઅન્ટની વાત

નોંધનીય છે કે, વિશ્વ આરોગ્ય સંસ્થાએ તેના તાજેતરના અહેવાલમાં માહિતી આપી હતી કે, UKમાં કોવિડ-19નો નવો વેરિઅન્ટ જોવા મળ્યો છે. સાથે એમ પણ કહ્યું કે, XE નામનો આ નવો વેરિઅન્ટ કોરોનાના કોઈ પણ પ્રકાર કરતાં વધુ સંક્રમિત હોઈ શકે છે. XE એક પુન:સંયોજક (Recombinant) BA'1 અને BA.2 ઓમિક્રોનનું મ્યુટેશન છે. જ્યારે દર્દી કોરોનાના વિવિધ પ્રકારોના વેરિઅન્ટથી સંક્રમિત થાય છે ત્યારે 'Recombinant' મ્યુટેશન થાય છે. વર્લ્ડ હેલ્થ ઓર્ગેનાઇઝેશને જણાવ્યું હતું કે, નવો વેરિઅન્ટ XE ઓમિક્રોનના પેટા વેરિઅન્ટ BA.2 કરતાં 10 ટકા વધારે સંક્રમિત છે. WHOએ કહ્યું કે, 'પ્રારંભિક અનુમાન BA.2 કરતાં 10 ટકા વધુ સંક્રમિત હોવાનું દર્શાવે છે. જો કે, એ માટે વધારે પુષ્ટિની જરૂરૂ છે.'