વિવાદ / અમેરિકી સાંસદ ઉમરે પાકિસ્તાનમાં જઈને કર્યું એવું કે ભારત ભડક્યું, ગણાવી દીધી છીછરી રાજનીતિ

• અમેરિકી સાંસદ ઈલ્હાન ઉમર પર ભડક્યું ભારત
• ઈલ્હાન ઉમરે લીધી પાકિસ્તાની કબજાવાળા વિસ્તારની મુલાકાત
• ભારતે ઉમરની આ મુલાકાતને હલકી માનસિકતા ગણાવી

અમેરિકી કોંગ્રેસના  મહિલા સભ્ય ઈલ્હાન ઉમરે ગુરુવારે પાકિસ્તાની કબજા વાળા વિસ્તારની મુલાકાત લેતા ભારત લાલઘુમ થયું છે. ભારતને ઉમરની આ મુલાકાત ગળે ઉતરી નથી અને તેમની આ મુલાકાતને હલકી માનસિકતા ગણાવાઈ છે. 

India condemns US Rep. Ilhan Omar's PoK visit, terms it 'narrow-minded politics'

Read @ANI Story | https://t.co/pZNIP0DiSU#MEA #IlhanOmar #IlhanOmarPoK pic.twitter.com/BoWYAFE8gB

— ANI Digital (@ani_digital) April 21, 2022

પાક.ની ચાર દિવસની મુલાકાતે આવ્યાં ઈલ્હાન ઉમર, ઈમરાન ખાનને પણ મળ્યાં 

ઈલ્હાન ઉમર ચાર દિવસીય યાત્રાના ભાગરુપે પાકિસ્તાન આવ્યાં છે અને ગુરુવારે તેમણે પાકિસ્તાની કબજાવાળા વિસ્તારની મુલાકાત લીધી. તેમણે પૂર્વ પીએમ ઈમરાનખાના ઘેર જઈને તેમની સાથે પણ મુલાકાત કરી હતી. 

ભારતે અમેરિકી સાંસદની મુલાકાત પર આકરો વાંધો ઉઠાવ્યો
ભારતને અમેરિકી સાંસદની પીઓકેની મુલાકાત પર આકરો વાંધો ઉઠાવ્યો છે. વિદેશ મંત્રાલયે આ સંદર્ભમાં પ્રેસ કોન્ફરન્સ કરી હતી તેમના આ પગલાંની ઝાટકણી કાઢવામાં આવી. વિદેશ મંત્રાલયના પ્રવક્તા અરિંદમ બાગચીએ કહ્યું કે અમે ઈલ્હાન ઉમરની પીઓકેની મુલાકાત વિશે જાણ્યું છે. હું કહેવા માગું છું કે જો કોઈ રાજદ્વારી પોતાની છીછરી માનસકિતા દેખાડે તો આ તેમનુ કામ છે. પરંતુ જ્યારે કોઈ આપણી ક્ષેત્રીય અખંડિતતા અને એકતાનું ઉલ્લંઘન કરે ત્યારે આપણે તેમની મુલાકાતને નિંદનીય માનીએ છીએ. 

ઈલ્હાન ઉમરે અનેક વાર વિવાદ ઊભો કરેલો છે 

ઉલ્લેખનીય છે કે ઈલ્હાન ઉમરની અનેક વાર ટીકા થઈ ચૂકી છે. તેઓ ભારતને  લઘુમતી વિરોધી ગણાવી ચૂક્યા છે. બાઇડન પ્રશાસન પર પ્રહાર કરતા એક નિવેદનમાં ઇલ્હાન ઉમરે કહ્યું હતું કે ભારતમાં લાંબા સમયથી મુસ્લિમ અલ્પસંખ્યકો વિરુદ્ધ અભિયાન ચાલી રહ્યું છે. તેમણે ત્યારે પણ કહ્યું હતું કે ભારતમાં મુસ્લિમ હોવું એ એક ગુના જેવું છે. એક ટ્વિટમાં ઇલ્હાને એવો પણ આરોપ લગાવ્યો હતો કે અમેરિકા દ્વારા ભારતમાં માનવાધિકારોના ઉલ્લંઘન અંગે ખુલ્લેઆમ કંઇ બોલવામાં આવતું નથી.