મોટા સમાચાર / સ્વદેશી કોરોનાની રસીના પરિક્ષણને લઈને આવ્યા સારા સમાચાર, પરિક્ષણ સફળ રહ્યાનો દાવો, જાણો કેટલે પહોંચ્યા આપણે...

• ભારત બાયોટેકની રસીના બીજા તબક્કાના ટ્રાયલને મંજૂરી
• ભારત બાયોટેકનો COVAXINના સફળ ટેસ્ટનો દાવો
• વાનરો પર કરાયેલો ટેસ્ટ સફળ રહ્યાનો દાવો

ભારત બાયોટેકે બનાવેલી COVAXINનો વાનરો પર કરાયેલો ટેસ્ટ સફળ રહ્યાનો દાવો કરાયો છે. મળતી માહિતી મુજબ વાનરોના 4 સમુહો પર ટેસ્ટ કરાયો હતો.

વાનરોમાં પ્રતિરોધક ક્ષમતા વિકસિત થયાનો કંપની દ્વારા દાવો કરાયો. હાલમાં ICMR દ્વારા ભારતમાં 3 રસીનું ટ્રાયલ કરવામાં આવી રહ્યું છે. સીરમ ઇન્સ્ટિટ્યૂટ, ભારત બાયોટેક, ઝાયડસ કેડિલા દ્વારા ટ્રાયલ કરવામાં આવી રહ્યું છે. ઝાયડસ કેડિલાની રસીનું ફેઝ-2માં 50 લોકોના ટેસ્ટ કરાયા છે.

ભારત બાયોટેક અને આઈસીએમઆર દ્વારા બનાવવામાં આવીએ રહેલી કોરોના વાયરસની રસીનાં ક્લિનિકલ ટ્રાયલમાં પહેલો ફેઝ સફળ રહ્યો છે. ટ્રાયલનાં શરૂઆતનાં પરિણામોમાં કહેવામાં આવ્યું છે કે રસી સંપૂર્ણપણે સુરક્ષિત છે. ભારત બાયોટેક અને ઝાયડસ કેડીલાની આ વેક્સીનનું છ શહેરોમાં હ્યુમન ટ્રાયલ ચાલી રહ્યું છે. 

ભારતમાં 12 શહેરોનાં 375 લોકો પર આ રસીનો ટેસ્ટ કરવામાં આવ્યો છે. અને દરેક વ્યક્તિને બે-બે ડોઝ આપવામાં આવ્યા. હવે તે બધા પર નજર રાખવામાં આવી રહી છે.  અગાઉ ભારત બાયોટેક કંપનીએ પોલિયો, રેબીઝ, રોટાવાયરસ, જાપાની ઈનસેફ્લાઈટિસ, ચિકનગુનિયા અને જિકા વાયરસ માટે વેક્સીન બનાવી છે.