સમર્થન / અમેરિકાએ અરુણાચલ મુદ્દે ચીનને રોકડુ પકડાવ્યું, કહ્યું અરુણાચલ પ્રદેશ ભારતનું અભિન્ન અંગ

• અમેરિકન કોંગ્રેસે ચીનની વિરુદ્ધ નિર્ણાયક કામગીરી કરવાની વાત કરી 
• અરુણાચલના મુદ્દા પર ભારતને અમેરિકાનો સાથ મળ્યો છે
• અમેરિકાએ કહ્યું કે છેલ્લા 60 વર્ષથી અરુણાચલ ભારતનો ભાગ 

અમેરિકાના ગૃહ વિભાગે નિવેદન આપ્યું છે કે લગભગ 60 વર્ષથી અમેરિકાએ અરુણાચલ પ્રદેશને ભારતનો ભાગ માન્યું છે. અમે એક્ચ્યૂલ લાઈન ઓફ કન્ટ્રોલ પર સૈન્યની કે નાગરિકના માધ્યમથી થઈ રહેલી કોઈ પ્રકારની ઘૂષણખોરીના એક પક્ષીય પ્રયાસનો વિરોધ કરીએ છીએ. ’તેમજ વિભાગે કહ્યું કે વિવાદિત વિસ્તાર વિશે અમે ફક્ત એટલુ કહી શકીએ કે અમે ભારત અને ચીનની દ્વીપક્ષીય રસ્તા માટે તેમને પ્રોત્સાહિત કરીએ છીએ  અને સૈન્ય બળ ઉપયોગમાં ન લેવા માટે અપીલ કરીએ છીએ. ગત મહિના ચીની વિદેશ મંત્રાલયના પ્રવક્તા ઝાઓ લિજિનથી જ્યારે અરુણાચલમાંથી ગાયબ થયેલા 5 યુવકો વિશે પુછવામાં આવ્યું તો તેમણે ભારતીયો અંગે માહિતી આપવાની જગ્યાએ તેને ચીનને ભાગ ગણાવ્યું. લિજિને કહ્યું કે ચીને ક્યારેય તેને અરુણાચલ પ્રદેશ માન્યુ જ નથી. જે ચીનના દક્ષિણી તિબ્બતનો વિસ્તાર છે.

અમેરિકન કોંગ્રેસની એક રિપોર્ટમાં ચીનના સંકટનો સામનો કરવા માટે નિર્ણાયક કાર્યવાહીની સલાહ આપતા આરોપ લગાવ્યો છે કે ચીન માનવાધિકાર હનનમાં સામિલ છે અને સૈન્ય તૈનાતી વધારી રહ્યું છે. તથા તેણે બીજા દેશોની સંપ્રભૂતાનો ભંગ કર્યો છે. ચીન વિશે અમેરિકન સાંસદનો આ રિપોર્ટ બુધવારે જારી કરવામાં આવ્યો હતો. જેમાં રાષ્ટ્રીય સુરક્ષા સાથે જોડાયેલી ચિંતા, માનવાધિકારોનું હનન, આપૂર્તિ શ્રૃંખલા સાથે જોડાયેલી સમસ્યા, કોરોના વાયરસ મહામારી સામે લડવાની ખામીઓ અને વિશ્વ સ્તરે ચીનનો વધતો પ્રભાવ જેવા મુદ્દાને પહોંચી વળવા માટે 400 થી વધારે નીતિગત સૂચનો કરવામાં આવ્યા છે. રિપોર્ટમાં ભારતીય સીમા પર ભૂમિ પર કબ્જો કરવા માટે હિંસક અથડામણનો પણ ઉલ્લેખ કરવામાં આવ્યો છે.