લદ્દાખમાં લાઈન ઓફ એક્ચ્યૂલ કન્ટ્રોલ પર પેંગોગ લેકની પાસે તણાવ સતત વધી રહ્યો છે. સૂત્રોના જણાવ્યાનુંસાર ફિંગર -3ની પાસે ભારતીય સૈનિકોને મોટી સંખ્યામાં તૈનાત કરવામાં આવ્યા છે. ગત 48 કલાકમાં પેંગોગ લેકના ઉત્તરમાં હલચલ વધી ગઈ છે. મીડિયા રિપોર્ટ્સના જણાવ્યાનુંસાર પેંગોંગ લેકના પશ્ચિમ તરફ ચીનની સેના આગળ વધવાનો પ્રયત્ન કરી રહી છે. હકિકતમાં 29-30 ઓગસ્ટમાં થયેલી અથડામણ બાદ ભારતીય સૈન્ય હવે પેંગોંગ લેકના દ.કિનારા પર ઉંચી ટોચ પર પહોંચી ગઈ છે. જ્યારે ચીનની સેના અહીં નીચેના વિસ્તારમાં છે જેને કારણે ચીન બેચેન થઈ ગયું છે અને તે હવે આગળ વધવાનો પ્રયાસ કરી રહ્યુ છે.
ફિંગર -3ની પાસે ભારતીય સૈનિકોને મોટી સંખ્યામાં તૈનાત કરવામાં આવ્યા છે
48 કલાકમાં પેંગોગ લેકના ઉત્તરમાં હલચલ વધી ગઈ છે
ચીન બેચેન થઈ ગયું છે અને તે હવે આગળ વધવાનો પ્રયાસ કરી રહ્યુ છે
એક અંગ્રેજી અખબારના સૂત્રોના જણાવ્યાનુંસાર ચીને વાતચીત બાદ ફિંગર 4 વિસ્તાર ક્યારેય ખાલી નથી કર્યો. મંગળવારની રાતે આ વિસ્તારમાં ચીને લગભગ 2 હજાર સૈનિકો તૈનાત કર્યા. ચીનની આ હરકત બાદ ભારતે ફિંગર 3ની પાસે લગભગ આટલી જ સંખ્યામાં સૈન્ય તૈનાત કર્યું છે. આ વિસ્તારમાં તણાવ વધ્યો છે.
બન્ને દેશની સેના એક બીજાથી લગભગ 500 મીટરના અંતર ઉભી છે. તેમણે કહ્યું કે બન્ને દેશોની સેના હથિયારથી સજ્જ છે. ઉંચા પહાડો પરથી તેઓ એક બીજાને જોઈ શકે છે. અહીં કાતિલ ઠંડી છે. અહીં ભારતે કોઈ વધારાની સેના તૈનાત નથી કરી. આસપાસના વિસ્તારોની ટુકડીને અહીં જમા કરી દીધી છે.
ફિંગર 4ના ભાગને ગ્રીન ટોપ કહેવાય છે અને અહીં ચીની સેના છે. તે ત્યાંથી ફિંગર 3 પાસે રહેલા ભારતના ધાનસિંહ થાપા પોસ્ટને જોઈ શકે છે. ગ્રીન ટોપની ઉત્તરમાં 1 કિમીના અંતરે પિંપલ હાઈટ્સ પર ચીને કબ્જો કર્યો છે. અહીં તણાવ ઘણો વધારે છે. સૂત્રોના જણાવ્યાનું સાર ભારતીય સેના ફિંગર 3 પર પહોંચવા માંગે છે. પરંતુ ભારે સંખ્યામાં ચીની સૈનિકો તૈનાત છે. સૂત્રોનો દાવો છે કે સેનાએ થોડાક દિવસ પહેલા અહીં પહોંચવાનો પ્રયાસ પણ કર્યો હતો. જો કે હાલમાં સફળતા નથી મળી.
ભારતીય સેનાએ પેંગોગ લેકના કિનારે ફિંગર 4 પર ચીની સેનાની સ્થિતિને જોતા ઉંચાઈ પર કબ્જો કરી લીધો છે. સૂત્રોના હવાલાથી એ વાતની જાણકારી મળી છે કે ઓગસ્ટના અંતમાં પેંગોંગ લેકના દક્ષિણ કિનારાની પાસે ઉંચાઈ પર કબ્જો કરવા માટે પૂર્વવર્તી કાર્યવાહીની સાથે સાથે આ ઓપરેશન કરવામાં આવ્યું હતું. એલએસી પર તણાવ વધવનાકારણે ચીને પીએલએના લગભગ 50-60 સૌનિક સોમવારે સાંજે 6 વાગ્યાની આસપાસ પેંગોગ લેકના દક્ષિણ તટપર સ્થિત ભારતીય ચોકી તરફ વધ્યા પરંતુ ત્યાં તૈનાત ભારતીય સેનાના જવાનોએ દૃઢતાથી તેમનો સામનો કર્યો હતો. જેથી તેમને પીછે હઠ કરવા મજબૂર થવું પડ્યું હતુ.