તણાવ / ભારત- ચીન બ્રિગેડ કમાન્ડર સ્તરની વાતચીતનું પરિણામ શૂન્ય, ભારતીય સેના વધુ એલર્ટ

• ભારત-ચીન બ્રિગેડ કમાન્ડર સ્તરની વાતચીતનું પરિણામ શૂન્ય
• LAC પર ભારતીય સેના સંપૂર્ણ રીતે અલર્ટ 
• ગત સપ્તાહે થયેલા ઘર્ષણ બાદ વધારાની સેના, હથિયારો પહોંચાડાયા

ભારત અને ચીની સેના વચ્ચે તણાવ ઘટાડવા પ્રયાસ સતત થઈ રહ્યા છે. જેને પગલે ભારત-ચીન બ્રિગેડ કમાન્ડર સ્તરની વાતચીત થઈ હતી. વાતચીત બાદ યોગ્ય પરિણામ મળ્યું નહોતુ.  ચશૂલ પાસે બ્રિગેડ કમાન્ડર સ્તરની વાતચીત  4 કલાક સુધી ચાલી હતી.

ચીને 29-30 ઓગસ્ટની રાત્રે ઘુસણખોરીનો  પ્રયાસ કર્યો હતો.  ભારતીય સેનાના આક્રમક વલણના કારણે ચીની સેના  પાછળ ખસી હતી. LAC પર ભારતીય સેના સંપૂર્ણ રીતે અલર્ટ છે.  પૈંગોંગ લેકના દક્ષિણ કિનારે ઉંચાઈવાળા સ્થળે સેના તૈનાત છે. 

ચીનની ઘુસણખોરીના પગલે ભારતે વધુ સેના તૈનાત કરી છે. સંવેદનશીલ વિસ્તારોમાં ભારતે હથિયારો પણ લાદી દીધા  છે. અરૂણાચલ બોર્ડરથી ચીની આર્મીએ 5 ભારતીયોનું અપહરણ કર્યું છે. જેને પગલે રાજકારણ પણ ગરમાયું છે.