ભારત અને ચીની સેનાના અધિકારીઓની વચ્ચે લદ્દાખમાં જારી તણાવ પર મહત્વપૂર્ણ બેઠક પૂર્ણ થઇ છે. ભારતીય સેનાના ઓફિસર લેફ્ટિનેન્ટ જનરલ હરિન્દર સિંહે ભારતની તરફથી બેઠકની આગેવાની કરી. તેઓ હવે મોલ્ડોથી લેહ તરફ પરત ફરી રહ્યા છે. બંને દેશોના સેનાના અધિકારીઓ વચ્ચે આ બેઠક લગભગ 5.30 કલાક ચાલી હતી.
ઓફિસર લેફ્ટિનેન્ટ જનરલ હરિન્દર સિંહે ભારત તરફથી બેઠકની આગેવાની કરી
બંને દેશોના સેનાના અધિકારીઓ વચ્ચે આ બેઠક લગભગ 5.30 કલાક ચાલી હતી
ચીની સેનાના અધિકારીઓ સાથે બેઠકથી પહેલા ભારતીય દળનું નેતૃત્વ કરી રહેલા લેફ્ટિનેન્ટ જનરલ હરિન્દર સિંહે ભારતના કમાન્ડરોની સાથે વાત કરી અને લદ્દાખમાં સ્થિતિનું આકલન કર્યું.
મોલ્ડોમાં યોજાઇ બેઠક
ભારત અને ચીની સેનાના અધિકારીઓની બેઠક મોલ્ડોમાં યોજાઇ હતી. જે બંને દેશો વચ્ચે જારી તણાવ વાળી જગ્યાથી 20 કિલોમીટરના અંતરે છે. જ્યાં આ બેઠક યોજાઇ તે જગ્યા ચુશૂલથી વિપરીત ચીની નિયંત્રણના વિસ્તાર મોલ્ડોમાં સ્થિત છે. ભારત અને ચીનની વચ્ચે વર્તમાન વિવાદને દૂર કરવા માટે બંને દેશોની વચ્ચે કોર્પ કમાન્ડર સ્તર પર અહીં બેઠક બોલાવામાં આવી હતી. બંને દેશોના સૈન્ય અધિકારીઓએ સીમા પર જારી તણાવને લઇને વાતચીત કરી.
ભારતની માંગ છે કે ચીન એલએસીની પાસેના વિસ્તારોથી પોતાની સેનાની સાથે પાછળ હટે. ચીન બોર્ડર પર તહેનાત હથિયારબંધ ગાડીઓને પાછળ લઇ જવામાં આવે. ભારતીય સેના પેંગોગ ત્સો પર જારી વિવાદને ખતમ કરવા માટે ચીન પર દબાણ વધારશે.
સેનાએ જાહેર કર્યું નિવેદન
ચીન સાથે વિવાદ પર ભારતીય સેનાએ એક નિવદેન જાહેર કરી કહ્યું કે સીમા વિવાદ ઉકેલવાની કોશિશ જારી છે. સેનાએ કહ્યું કે ભારત અને ચીનના અધિકારી સેના અને કૂટનીતિક ચેનલ દ્વારા ભારત-ચીન બોર્ડર પર પેદા થયેલા તણાવને દૂર કરવાની કોશિશ કરી રહ્યા છે. સેનાએ મીડિયાને અપીલ કરી છે કે આ ઘટનાક્રમને લઇને વિના કોઇ આધારે કોઇપણ પ્રકારનું રિપોર્ટિંગ ન કરવામા આવે.
બોર્ડર પર જાહેર તણાવ વચ્ચે ચીને ભારતીય બોર્ડર પર તહેનાત સૈનિકો માટે નવા કમાન્ડરની પસંદગી કરી છે. પીપુલ્સ લિબરેશન આર્મીની વેસ્ટર્ન થિયેટર કમાન્ડની સત્તાવાર વેબસાઇટ પર તેની જાહેરાત કરાઇ કે ચીને લેફ્ટિનેન્ટ જનરલ શૂ કિલિંગની નવા કમાન્ડર તરીકે નિમણૂક કરી છે. પીએલએની વેસ્ટર્ન થિયેડર કમાન્ડ 3488 કિલોમીટર લાંબી LAC પર નજર રાખી છે. વર્તમાન વિવાદમાં બંને દેશો વચ્ચે અલગ-અલગ સ્તર પર અત્યાર સુધીમાં ઓછામાં ઓછી 10 વાર વાતચીત થઇ ચૂકી છે.