મોટા સમાચાર / ચીન સાથે તણાવ વધ્યો, 45 વર્ષ બાદ LAC પર ભારત-ચીનના સૈન્ય વચ્ચે ફાયરિંગ

• પૂર્વીય લદાખમાં LAC પાસે બંને દેશ વચ્ચે ફાયરિંગ
• ચીનની સેનાએ ભારત પર ફાયરિંગનો આરોપ લગાવ્યો
• ઉચ્ચસ્તરીય સૂત્રોનો હાલ સ્થિતિ કાબૂમાં હોવાનો દાવો
• 1975 પછી પહેલીવાર બંને દેશ વચ્ચે ફાયરિંગની ઘટના બની

LAC પર બન્ને દેશ વચ્ચે લાંબા સમયથી તાણવ છે. સૂત્રોનું માનીએ તો ચીન તરફથી ભારતીય ક્ષેત્રમાં ફાયરિંગ કરવામાં આવ્યું હતુ. જે બાદ ભારત તરફથી પણ જવાબી ફાયરિંગ કરવામાં આવ્યું.  જોકે હાલ સ્થિતિ નિયંત્રણમાં છે.

PLA વેસ્ટર્ન થિયેટર કમાન્ડના પ્રવક્તા કર્નલ ઝાંગ શુઈલીએ ખુલાસો કર્યો કે ભારતીય સેનાએ ગેરકાયદે પૈંગોંગ સરોવરના દક્ષીણ કિનારા પાસે શેનપાઓ પહાડમાં લાઈન ઓફ એક્ચ્યૂલ કન્ટ્રોલ પાર કરી છે. ભારતીય સેનાના સૂત્રો તરફથી ખરાઈ કરવામાં આવી કે વોર્નિંગ શોટ્સ ફાયર કરવામાં આવ્યા હતા.

સીમા પર તૈનાત સૈનિક ત્યારથી હાઈ અલર્ટ પર છે જ્યારથી તેમને કાલા ટોપ અને હેલમેટ ટોપને પોતાના નિયંત્રણમાં લીધુ છે. ચીની સૈનિક આ બન્ને પહાડ પર નિયંત્રણ મેળવવા માટે આગળ વધી રહ્યા હતા. તે સમયે ભારતીય સૈનિકોએ ચીની સૈનિકોને પાછા ખદેડ્યા હતા.