ચર્ચા / ચીન મામલે આજે PM મોદીની સર્વપક્ષીય બેઠક, જાણો કોને નિમંત્રણ કોને નહીં, થઈ રહ્યો છે નિમંત્રણ પર વિવાદ

• ચાઇના વિવાદ અંગે સર્વપક્ષીય બેઠક સાંજે 5 વાગે  યોજાશે 
•  વર્ચ્યુઅલ મીટિંગમાં 16 પક્ષના વડાઓને આમંત્રણ અપાયું છે
• કેટલાક રાજકીય પક્ષોને આમંત્રણ અપાયું નથી

આ બેઠકમાં ચાલી રહેલા વિવાદ અને ચીન સંબંધિત હાલની પરિસ્થિતિ અંગે ચર્ચા કરવામાં આવશે. વર્ચુઅલ રીતે સાંજે 5 વાગે બેઠક યોજાશે. આ બેઠકમાં કોંગ્રેસ અધ્યક્ષ સોનિયા ગાંધી, એનસીપીના પ્રમુખ શરદ પવાર સહિત અનેક દિગ્ગજ નેતાઓ ભાગ લેશે. પરંતુ કેટલાક રાજકીય પક્ષોને આમંત્રણ અપાયું નથી. જેના કારણે વિવાદ ચાલી રહ્યો છે.

સંરક્ષણ પ્રધાન રાજનાથસિંહે તમામ મુખ્ય પક્ષના રાષ્ટ્રપતિઓ સાથે ફોન પર વાત કરી  અને આ સર્વપક્ષીય બેઠક પહેલા ચર્ચા કરી હતી. આ બેઠકમાં કુલ 17 રાજકીય પક્ષોના પ્રતિનિધિઓ ભાગ લઈ શકશે.

કયા નેતાઓ ભાગ લેશે?
સોનિયા ગાંધી
એમકે સ્ટાલિન
એન. ચંદ્રબાબુ નાયડૂ
જગન રેડ્ડી
શરદ પવાર
નીતિશ કુમાર
ડી. રાજા
સીતારામ યેચૂરી
નવીન પટનાયક
કે. ચંદ્રશેખર રાવ
મમતા બેનર્જી
સુખબીર બાદલ
ચિરાગ પાસવાન
ઉદ્ધવ ઠાકરે
અખિલેશ યાદવ
હેમંત સારેન
માયાવતી

અનેક રાજકીય પક્ષોને નહીં બોલાવવા અંગે વિવાદ

વડા પ્રધાન નરેન્દ્ર મોદી દ્વારા બોલાવેલ સર્વપક્ષીય બેઠક પહેલા વિવાદ સર્જાયો છે. આમઆદમી પાર્ટી તરફથી એવો આક્ષેપ કરવામાં આવ્યો છે કે તેઓના ચાર સાંસદ છે. રાજ્યસભામાં પ્રતિનિધિઓ પણ છે. આવી સ્થિતિમાં તેમને આમંત્રણ અપાયું નથી. બીજી તરફ રાષ્ટ્રીય જનતા દળને આમંત્રણ નથી અપાયુ. આવી સ્થિતિમાં તેજસ્વી યાદવે પણ સવાલો ઉભા કર્યા છે.

જોકે, સૂત્રો એમ પણ કહે છે કે લોકસભામાં પાંચથી વધુ સાંસદો ધરાવતા પક્ષોને આ બેઠકમાં હાજર રહેવા આમંત્રણ અપાયુ છે. બીજી બાજુ ટીડીપીને ચાર સાંસદ હોવા છતાં આમંત્રણ મળ્યું છે.

ઉલ્લેખનીય છે કે 15 જૂનની રાત્રે જ્યારે ભારતીય સૈનિકો ચીની સૈનિકોને ત્યાંથી ખદેડવા  ગેલવાન ખીણ નજીક પહોંચ્યા ત્યારે ચીને હુમલો કર્યો હતો. આ દરમિયાન બંને દેશોના સૈનિકો વચ્ચે હિંસક અથડામણ થઈ હતી અને ભારતના 20 સૈનિકો શહીદ થયા હતા.