ભારત અને ચીન વચ્ચે લદાખ સરહદ પર સંઘર્ષ સતત વધી રહ્યો છે. ભારતની સેના ચીનને જડબાતોડ જવાબ આપવા માટે કટિબદ્ધ છે એવામાં એક અહેવાલ મુજબ ગલવાન નદીમાં પાણીનું સ્તર વધવાના કારણે હવે ચીની સેનાની મુશ્કેલીઓ વધી રહી છે.
બરફ ઓગળવાના કારણે ગલવાન નદીમાં પાણીનું સ્તર વધ્યું
ચીની સેનાના તંબુમાં પાણી ભરાઈ હોવાનો અહેવાલમાં દાવો
શિયાળામાં પરિસ્થિતિ વધુ વિષમ બનશે
ભારત અને ચીન વચ્ચે સરહદ પર તણાવ યથાવત છે. ચાલબાજ ચીન સતત સરહદ પર અવળચંડાઇ કરી રહ્યું છે. વિવિધ સેટેલાઈટ ઈમેજમાં દાવા કરી થઇ રહ્યા છે કે ચીનની સેના ગલવાન નદીની આસપાસ ભેગી થઈ રહી છે ત્યારે મીડિયાનાં અહેવાલો પ્રમાણે હવે ચીની સેનાએ પાછળ હટવું પડી શકે છે. કારણ કે ચીનની સેના જે જગ્યા પર તૈનાત છે ત્યારે પૂર જેવી પરિસ્થિતિ સર્જાઈ રહી છે.
હિન્દુસ્તાન ટાઈમ્સનાં અહેવાલ મુજબ ગલવાન નદીના તટ પર ચીનની સેનાની મુશ્કેલીઓમાં વધારો થઇ શકે છે .ચીનની સેના ગલવાન નદીના તટ પર ઉભી છે ત્યાં પાણીનું સ્તર ખૂબ ઊંચું જઈ રહ્યું છે. આર્મીના એક વરિષ્ઠ અધિકારીએ મીડિયાને જણાવ્યું કે તાપમાન વધવાના કારણે આસપાસના પર્વતોમાંથી બરફ સતત પીગળી રહ્યું છે. જેના કારણે પાણીનું સ્તરમાં વધારો થઇ રહ્યો છે. ઓફિસરે દાવો કર્યો કે સેટેલાઈટ ઈમેજમાં દેખાઈ રહ્યું છે કે ચીની ટેન્ટમાં હવે પાણી ભરાઈ રહ્યા છે. ઠંડીના મોસમમાં તો આ જગ્યા પર રહેવું વધુ વિષમ બની જશે.
ગલવાન નદી અકસાઇ ચીનના ક્ષેત્રમાં શરુ થાય છે. આ વિસ્તાર હંમેશા બરફથી ઢંકાયેલો રહે છે. જ્યારે ચીન અને ભારતના સૈનિકો વચ્ચે અથડામણ થઇ તેમાં અહેવાલો આવ્યા હતા કે જવાનો નદીમાં પડવાના કારણે શહીદ થયા હતા. આટલું જ નહીં ગલવાન નદી પર જ પુલ બનવાના કારણે ચીન રોષે ભરાયું છે.
ભારત અને ચીન વચ્ચે ચાલી રહેલા સંઘર્ષ દરમિયાન જ વડાપ્રધાન નરેન્દ્ર મોદી લદાખના પ્રવાસ પર ગયા હતા જે બાદ ચીનના પેટમાં તેલ રેડાયું છે, તરફડિયા મારતા ડ્રેગન માટે ચારેય તરફથી મુશ્કેલીઓ વધી રહી છે. વિશ્વના મોટા દેશો ચીન સામે કાર્યવાહીની તૈયારી દર્શાવી છે ત્યારે હવે નદીમાં પાણીનું સ્તર ઊંચું જવાના કારણે પણ ચીની સેનાની મુશ્કેલીઓ વધી શકે છે.