LAC / ગલવાનમાં ચીન-ભારત વચ્ચે આ કારણે ભડકી હતી હિંસા, વી.કે.સિંહે કર્યો મોટો ખુલાસો, એ રાતે એવું બન્યું કે...

•  15 જૂનની સાંજે આપણા કમાન્ડિંગ ઓફિસર ગલવાન ખીણમાં જોવા ગયા હતા
•  કમાન્ડિંગ અધિકારીઓએ જોયું કે ચીનના લોકો પાછા ફર્યા નથી
• ચીની સૈનિકો તંબુ ઉતારી રહ્યા હતા ત્યારે આગ લાગી હતી

ભૂતપૂર્વ આર્મી ચીફ અને કેન્દ્રીય મંત્રી વી.કે.સિંહે એક ઈન્ટરવ્યુંમાં કહ્યું કે 15 જૂનની સાંજે આપણા કમાન્ડિંગ ઓફિસર ગલવાન ખીણમાં જોવા ગયા હતા કે ચીનીઓ પાછા ગયા કે નહીં. કમાન્ડિંગ અધિકારીઓએ જોયું કે ચીનના લોકો પાછા ફર્યા નથી. તેઓ પેટ્રોલિંગ પોઇન્ટ -14 નજીક જોવા મળ્યા હતા. આપણી પરવાનગી લઈને ચીની આર્મીએ ત્યાં તંબૂ ઉભા કર્યા હતા.

કેન્દ્રીય પ્રધાન વી.કે.સિંઘના જણાવ્યા અનુસાર ચીની સેનાએ ભારતીય સેનાની પરવાનગીથી તંબુ ગોઠવ્યા હતા. જેથી તેઓ જોઈ શકે કે આપણે પાછા ગયા કે નહીં. ચીની આર્મી દ્વારા 15 જૂનની સાંજે તંબુ હટાવ્યો ન હતો. આ દરમિયાન બંને સૈન્ય વચ્ચે દલીલ થઈ હતી. અમારા કમાન્ડિંગ અધિકારીએ તંબુ હટાવવાનો આદેશ આપ્યો. જ્યારે ચીની સૈનિકો તંબુ ઉતારી રહ્યા હતા ત્યારે આગ લાગી હતી.

કેન્દ્રીય પ્રધાન વી.કે.સિંહે કહ્યું કે ચીની સેનાના તંબુમાં લાગેલી આગને કારણે અથડામણ થઈ હતી. આ અથડામણ દરમિયાન આપણા લોકો ચીની સેના પર હાવી થયા હતા. ચીને વધુ લોકોને બોલાવ્યા અને આપણા લોકો પણ વધારે લોકોને બોલાવ્યા હતા. ચીનના લોકો વહેલા પહોંચ્યા એ બાદ આપણા જવાનો આવ્યા. અંધારામાં 500 થી 600 લોકો વચ્ચે ઘર્ષણ થયું.

પૂર્વ આર્મી ચીફ જનરલ વી.કે.સિંહે કહ્યું કે ચીનના લોકો એવું વિચારીને આવ્યા હતા કે ભારતીય સૈન્ય પર હાવી  થઈ જઈશું, પરંતુ આવું બન્યું નહીં. અગાઉ અમારા ત્રણ લોકો માર્યા ગયા હતા. ત્યારબાદ આપણા અને ચીનના સૈનિકો નદીમાં પડી ગયા. ઈજા અને નદીમાં પડવાને કારણે અન્ય 17 સૈનિકો શહીદ થયા હતા. 70 જેટલા ઇજાગ્રસ્ત થયા હતા.

ચીન પર નિશાન સાધતા કેન્દ્રીય પ્રધાન વી.કે.સિંહે કહ્યું કે, ચીન ક્યારેય નહીં કહે કે કેટલા લોકો માર્યા ગયા. કેટલા લોકો મરી ગયા કે નથી મર્યા. આપણા જવાનોએ ચીની સૈનિકોને જે રીતે પ્રતિક્રિયા આપી તે લાગે છે કે શરૂઆતમાં 40 થી વધુ ચીની સૈનિકોની જાનહાનીની સંખ્યા સાચી હતી. તે કરતાં વધુ હોઈ શકે છે.

કેન્દ્રીય પ્રધાન વી.કે.સિંહે હાલની પરિસ્થિતિનો ખુલાસો કરતાં જણાવ્યું હતું કે ચીની સૈનિકો હજી પણ પી.પી.-14 ની પેલી તરફ છે અને અમારા સૈનિકો પણ આ તરફ છે. જમાવટ બંને બાજુ છે. આપણી સૈન્ય પ્રયાસ કરી રહી છે કે ચીનને આગળ આવવા ન દે અને શ્યોકની સાથે સાથે રસ્તા પર નજર ન પડવા દે.

કેન્દ્રીય પ્રધાન વી.કે.સિંહે કહ્યું કે ચીનની એક વિશેષતા એ છે કે તે હંમેશાં તેની ક્લેમ લાઇનને વધારી ચઢાવીને કહે છે. તેમના વડા પ્રધાને 1959 માં અમારા વડા પ્રધાનને એક નકશો આપ્યો. જો તમે આ નકશાને જમીન પર ઉતારવા માટે પ્રયત્ન કરો છો, તો એક સમસ્યા ઉભી થઈ જશે.

ભૂતપૂર્વ આર્મી ચીફ વી.કે.સિંહે કહ્યું કે જ્યારે ઉનાળામાં પેટ્રોલિંગ વધારે હોય છે ત્યારે બંને દેશોની સૈન્ય ઘણી વખત સામ સામે આવે છે. ધક્કામુક્કી છેલ્લા 5-6 વર્ષથી શરૂ થઈ છે. તેઓ કહે છે કે જો તેઓ કહે કે અમારે આગળ જવું છે તો આપણા લોકો રોકે છે અને ચીન હંમેશા દબાણ કરી ધક્કામુક્કી કરતું રહ્યું છે.