કબૂલાત / ચીને પહેલી વાર સ્વીકારી ગલવાનની હિંસક અથડામણમાં ચીની સૈનિકોના મોતની વાત

• ચીને પહેલી વાર માન્યુ છે કે ગલવાનમાં તેના સૈનિકો માર્યા ગયા હતા
• રુસ એજન્સી TASSએ 45 ચીની જવાનમાં મર્યા હોવાની વાત કરી હતી
• ચીને મર્યા ગયેલાનો સત્તાવાર આંકડો જાહેર કર્યો નથી

ચીને પહેલી વાર માન્યુ છે કે ગલવાનમાં તેના સૈનિકો માર્યા ગયા હતા

લાઈન ઓફ એક્ચ્યૂલ કન્ટ્રોલ પર ભારત અને ચીનના સંબંધોમાં જામેલો બરફ ધીરે ધીરે પીગળી રહ્યો છે. ઓછા થઈ રહેલા તણાવની વચ્ચે ચીને પહેલી વાર માન્યુ છે કે ગલવાનમાં તેના સૈનિકો માર્યા ગયા હતા. ચીને ગત વર્ષ જૂનમાં થયેલી હિંસક અથડામણ દરમિયાન માર્યા ગયેલા 4 સૈનિકોની જાણકારી શેર કરી છે. આ લોહિયાળ અથડામણમાં ભારતના 20 જવાન શહીદ થઈ ગયા હતા.

ચારના મોત ગલવાનની લોહિયાળ અથડામણમાં થયા

ગ્લોબલ ટાઈમ્સના જણાવ્યાનુંસાર ચીનના કેન્દ્રીય સૈન્ય આયોગે કારાકોરમ પર્વત પર તૈનાત રહેલા 5 ચીની સૈનિકોના બલિદાનને યાદ કર્યુ છે. પીએલએ શિનજિયાંગ મિલિટ્રી કમાન્ડના રેજિમેન્ટ કમાન્ડર ક્યૂઈ ફબાઓ, ચેન હોંગુન, જિયાનગોન્ગ, જિઓ સિયુઆન અને વાંગ જૂઓન. જેમાં ચારના મોત ગલવાનની લોહિયાળ અથડામણમાં થયા. બાકી એકનું મોત રેસ્ક્યૂ સમયે નદીમાં વહેવાથી થયુ હતુ.
 
ગલવાનમાં ચીની સેનાના ઘણા લોકો માર્યા ગયા હતા

જો કે ચીન ગલવાન ઘાટીમાં માર્યા ગયેલા પીએલએ સૈનિકોના આંકડા ઘણા ઓછા ગણાવી રહ્યું છે. ગત દિવસોમાં નોર્ધન કમાન્ડના ચીફ લેફ્ટિનેન્ટ જનરલ વાઈ કે જોશીએ જણાવ્યું હતું કે ગલવાનની અથડામણ બાદ 50 ચીની સૈનિકોને વાહનોના માર્ફતે લઈ જવાયા હતા. આ ગલવાનમાં ચીની સેનાના ઘણા લોકો માર્યા ગયા હતા.

રુસ એજન્સી TASSએ 45 ચીની જવાનમાં મર્યા હોવાની વાત કરી હતી

નોર્ધન કમાન્ડના ચીફ લેફ્ટિનેન્ટ જનરલ વાઈ કે જોશીના જણાવ્યાનુંસાર ચીની સૈનિક 50થી વધારે સૈનિકોને વાહનોમાં લઈ જઈરહ્યા હતા. પરંતુ તે ઘાયલ હતા કે માર્યા ગયા હતા તે કહેવું મુશ્કેલ છે. વાઈ કે જોશીએ કહ્યું હતુ કે રુસ એજન્સી TASSએ 45 ચીની જવાનમાં મર્યા હોવાની વાત કરી હતી. અને અંદાજો પણ આની આસપાસનો જ છે.

શું હતો મામલો

ઉલ્લેખનીય છે કે ગત વર્ષ જૂનમાં પૂર્વ લદ્દાથમાં ગલવાન ઘાટીમાં ભારત અને ચીન સૈનિકોની વચ્ચે અથડામણ થઈ હતી. આ અથડામણમાં ભારતના 20 જવાનો શહીદ થયા હતા. આ અથડામણમાં ચીના પણ અનેક સૈનિકો માર્યા ગયા હતા. પરંતુ ચીને આને લઈને કોઈ સત્તાવાર આંકડા જારી નથી કર્યા.