તણાવ / ભારતની તમામ ચેતવણીઓ ઘોળીને પી ગયું ચીન, સેટેલાઈટ ઈમેજમાં મોટો ખુલાસો

• ભારત સાથે વાતચીતમાં તણાવ ઓછો કરવા થઇ રહી છે ચર્ચા 
• સેટેલાઈટ ઈમેજમાં ચીનનું ચરિત્ર છતું પડ્યું 
• ફિંગર ફોરની નજીક દેખાઈ રહી છે ચીની સેના

ઓપન સોર્સ ઇન્ટેલિજન્સ એનાલિસ્ટ Detresfa ની સેટેલાઇટ ઈમેજ અનુસાર ફોકસહોલ પોઈન્ટના પશ્ચિમમાં 3 કિમી દૂર ચીની આર્મી ઉપસ્થિત છે. આ જ કેમ્પના અમુક કિમી દૂર ચીની સેનાનાં સપોર્ટ કેમ્પ પણ ઉભા કરવામાં આવ્યા છે. 

Satellite images of #PangongTso taken earlier today continue to highlight #China PLA presence in the area 3 Km west of the 'foxhole' point along with known support camps in the region #IndiaChinaFaceoff pic.twitter.com/4cJX30nMjv

— d-atis☠️ (@detresfa_) July 18, 2020

Detresfaની બીજી સેટેલાઈટ ઈમેજ અનુસાર ચીને લેહથી 382 કિમી શીનજિયાંગ પ્રાંતમાં પોતાના એરબેસને મજબૂત કરી લીધું છે. અહિયાં ફાઈટર એરક્રાફ્ટ, અર્લી વોર્નિંગ અવાક્સ એરક્રાફ્ટ અને એર ડિફેન્સ યુનિટ્સ તૈનાત કરવામાં આવ્યા છે. 

આ એરપોર્ટ પર તૈનાત વિમાનમાં શેન્યાંગ જે -8 ઇન્ટરસેપ્ટર વિમાન અને શેન્યાંગ ફાલ્કર સામેલ છે. આ સિવાય અહીં જે AWACSને તૈનાત કરવામાં આવ્યા છે તેમાં શનાક્સી વાય -8 જી અને કેજે -500નો સમાવેશ થાય છે. જેમાં શેન્યાંગ જે -8 ઇન્ટરસેપ્ટર મૂળ રશિયાથી ચોરી કરેલી ડિઝાઇન પર આધારિત છે. 

મંગળવારે બંને દેશ વચ્ચે ચુશુલમાં 15 કલાક સુધી કમાન્ડર લેવલની વાતચીત કરવામાં આવી હતી પણ ચોથા સ્તરની આ વાતચીતમાં પણ કોઈ સમાધાન સામે આવ્યું નથી. ચીની સેના પેન્ગોંગ ત્સો અને દેપસાંગમાં હજુ પણ ભારતીય સેનાની ખૂબ નજીક તૈનાત છે. હવે ચીનની આ અવળચંડાઇના કારણે તણાવ ઓછો કરવાની પ્રક્રિયામાં પણ અવરોધ ઉભો થઇ રહ્યો છે. ભારતે સાફ શબ્દોમાં ચીનને કહી દીધું છે કે ચીની સૈનિકોએ આ વિસ્તારોમાં જૂની પરિસ્થિતિ અનુસાર જ જવું પડશે.