ચીનની ઈચ્છા છે કે તેના સૈનિકો તે જ જગ્યા પર રહે જ્યારે ભારત પાછળ હટે
ભારત-ચીન વચ્ચે નથી ઘટી રહ્યો તણાવ
પૂર્વી લદાખમાં ભારત અને ચીન વચ્ચે સતત તણાવ વધી રહ્યો છે અને બંને સેનાઓ પેન્ગોંગ પર આમને સામને ઉભી છે. બીજી તરફ ચુશુલમાં આજે સાતમી વાર સૈન્ય લેવલ પર ચર્ચા કરવામાં આવી છે ત્યારે ચીની સેનાએ પોતાની ગતિવિધિઓ વધારી દીધી છે. ચીનની આ હરકતો દેખાઈ રહ્યું છે કે સરહદ પર ચીન પાછળ હટવા તૈયાર હોય તેવું લાગી રહ્યું નથી.
વાતચીતથી નથી માની રહ્યું ચીન
ભારત ચીન સરહદ પર છેલ્લા સાત મહિનાથી વિવાદ ચાલી રહ્યો છે. આટલા મહિનાથી ચાલતા વિવાદમાં ભારત કટિબદ્ધતાથી ચીનનો સામનો કરી રહ્યો છે ત્યાં ચીન હજુ પોતાની વિસ્તારવાદી નીતિ પર કાયમ છે અને હજુ પણ નવી નવી ચાલ સરહદ પર ચાલી રહ્યો છે. હાલમાં સૈન્ય લેવલ પર કરવામાં આવેલ વાતચીતમાં ચીને અલગ જ પ્રસ્તાવ સામે મુક્યો.
સૂત્રો અનુસાર મીડિયા અહેવાલોમાં દાવા કરવામાં આવ્યા છે કે વાતચીતમાં ચીને ભારતીય સેનાને પાછળ હટવા પ્રસ્તાવ મુક્યો છે. આ પ્રસ્તાવ અનુસાર ચીન પોતે પેન્ગોંગ લેકમાં ફિંગર 8થી પાછળ જવા તૈયાર છે પણ તે કહી રહ્યું છે કે ભારત પણ ફિંગર 4થી પાછળ ફિંગર 3 અથવા ફિંગર 2 સુધી પહોંચી જાય.
આટલા દિવસથી વાતચીતથી કૉઈ નક્કર સમાધાન સામે આવી રહ્યું નથી અને ભારતે ચીનને સ્પષ્ટ શબ્દોમાં કહી દીધું છે કે ફિંગર 8 સુધીનો વિસ્તાર ભારતનો છે અને સેના પાછળ હટવાની નથી.