ભારત અને ચીન સરહદ પર સંઘર્ષ સતત વધી રહ્યો છે. લદાખની સીમા પર અથડામણ બાદથી સેના સતર્ક છે અને યુદ્ધ સ્તરતની તૈયારીઓ ચાલી રહી છે પરંતુ ચાલબાજ ડ્રેગને ભારતને ઘેરવા માટે ત્રણ દિશાથી ષડ્યંત્ર રચી નાખ્યું છે. ચીન ચાલાકી ગુજરાત સરહદ સુધી પહોંચી ગયું છે.
ગુજરાત બોર્ડર નજીક પાકિસ્તાનમાં એરબેઝ તૈયાર
ચીનની મદદથી પાકિસ્તાનમાં બની રહ્યા છે બંકર
નેપાળની ધરતી પર પણ ચીનનું મિલીટરી કેમ્પ
ડ્રેગનની પહોંચ હવે ગુજરાતની સરહદ સુધી
ભારત અને ચીન વચ્ચે ચાલી રહેલા સંઘર્ષ પર દુનિયાભરની નજર છે. ભારતની સેના ચીનને જડબાતોડ જવાબ આપવા તૈયાર છે એવામાં ગલવાનમાં અથડામણ બાદ ચીન અલગ અલગ દિશામાંથી ભારત વિરુદ્ધ ચક્રવ્યૂહ તૈયાર કરી રહ્યું છે. ચીન નેપાળ અને પાકિસ્તાનની મદદથી ભારતને ઘેરવાનો પ્રયત્ન કરી રહ્યું છે. આટલું જ નહીં ડ્રેગનની પહોંચ હવે ગુજરાતની સરહદ સુધી થઇ ગઈ છે.
જેસલમેરથી માત્ર 25 કિમી દૂર ખેરપૂરમાં પાકિસ્તાનનું એરબેઝ
ચીનની મદદથી હવે પાકિસ્તાન ગુજરાતની નજીક બંકર અને એરબેઝ તૈયાર કરી લીધા છે. ચીને ગુજરાત અને રાજસ્થાનની બોર્ડર પર સ્પેશિયલ 350 બંકર અને ગુજરાતથી એકદમ નજીક મીઠીમાં એક એરબેઝ તૈયાર કરી લીધું છે. આટલું જ નહીં જેસલમેરથી માત્ર 25 કિમી દૂર ખેરપૂરમાં પાકિસ્તાનનું એરબેઝ તૈયાર થઇ ગયું છે. બાડમેર નજીક નવું એરબેઝ તૈયાર થઇ રહ્યું છે.
નેપાળમાં પણ ચીને મિલિટ્રી કેમ્પ નાખી દીધો
ગલવાનમાં અથડામણમાં ચીનને માર ખાવો પડ્યો છે. ચીનનાં 40થી વધુ જવાનો માર્યા ગયા હોવાના અહેવાલ છે ત્યારે હવે પાકિસ્તાન અને નેપાળની જમીન પરથી ભારત વિરુદ્ધ ચક્રવ્યૂહ તૈયાર કરાઈ રહ્યો છે. ચીને પીઓકે નજીક એરબેઝ તૈયાર કરી લીધું છે અને બાલ્ટીસ્તાનમાં ચીનની મદદથી પાકિસ્તાને એરસ્ટ્રીપ તૈયાર કરી છે.
નેપાળ અને ભારત વર્ષોથી ગાઢ મિત્ર દેશ રહ્યા છે પરંતુ છેલ્લા કેટલાક સમયથી નેપાળ ચીનની સોડમાં આવીને ભારતને આંખો દેખાડી રહ્યું છે ત્યારે હેવ નેપાળમાં પણ ચીને મિલિટ્રી કેમ્પ નાખી દીધો છે. હિમાચલપ્રદેશના ધારચૂલાથી 55 કિમી દૂર આ કેમ્પથી જો યુદ્ધ થાય તો ભારત માટે સમસ્યા ઉભી થઇ શકે છે.