ભારત તરફથી સતત ચીનને આર્થિક ઝટકા આપવામાં આવી રહ્યા છે. રોડ નિર્માણ અને ડિજિટલ ક્ષેત્રમાં ઝટકા બાદ હવે વારો વીજળી ક્ષેત્રનો છે. કેન્દ્રીય મંત્રી આરકે સિંહે કહ્યું કે, પાવર પ્રોજેક્ટ માટે ચીનથી જે પણ ઇમ્પોર્ટ થતું હતું, હવે સરકાર તેને રેગુલેટ કરી શકે છે. આ ક્ષેત્રમાં કસ્ટમ ડ્યૂટીને વધારવામાં આવી શકે છે.
ભારત-ચીન વચ્ચે તણાવ વચ્ચે ચીનનો ચોતરફ બહિષ્કાર
પાવર ક્ષેત્રમાં ચીનને ઝટકો આપવાની તૈયારીમાં ભારત
પાવસ સેક્ટરમાં ઇમ્પોર્ટ પર વધશે કમ્ટમ
એક ખાનગી ન્યૂઝ ચેનલના ઇન્ટરવ્યૂમાં આરકે સિંહે કહ્યું કે, સરકાર તરફથી કસ્ટમ ડ્યૂટી વધારવામાં આવશે, જેથી સરળતાથી થનારી આયાત પર કડકાઇ દર્શાવી શકાય. ચીની કંપનીઓને રોકવા માટે કસ્ટમની સાથોસાથ નિયમોમાં કડકાઇ લવાશે.
કેન્દ્રીય મંત્રીએ કહ્યું કે, ભારત આટલી તાકાત ધરાવે છે કે આપણે આર્થિક લેવલની સાથો સાથ યુદ્ધ ક્ષેત્રમાં પણ ચીનને પાછળ ધકેલી શકીએ છીએ. આજે સમગ્ર દુનિયામાં ભારત સાથે છે, જેમાં ભારતના મજબૂત નેતૃત્વનો હાથ છે.
ચીની રોકાણ અટક્યા બાદ ભારતને થનારી અસરોને લઇને તેમણે કહ્યું કે, આપણે દેશમાં જરૂરિયાતોને પોતાના દમ પર પૂરી કરી શકીએ છીએ. પહેલા સામાન એટલા માટે મંગાવવામાં આવતો હતો કારણ કે ચીન સસ્તા ભાવે પોતાની પ્રોડક્ટ આપી દેતો હતો. પરંતુ હવે પ્રધાનમંત્રી નરેન્દ્ર મોદી તરફથી આત્મનિર્ભર ભારતની શરૂઆત કરવામાં આવી છે.
આરકે સિંહે કહ્યું કે, હવે ઘરના સામાન પર નિર્ભરતા વધશે, કારણ કે દરેક ભારતીય ઇચ્છે છે કે ચીનનો આકરો સબક શિખવાડવામાં આવે.
તમને જણાવી દઇએ કે, આ પહેલા બુધવારે કેન્દ્રીય મંત્રી નિતિન ગડકરીએ નિવેદન આપ્યું હતું કે ભારતમાં મોટા હાઇવે પ્રોજેક્ટ્સમાં હવે ચીની કંપનીઓ પર પ્રતિબંધ મુકવામાં આવશે, એટલું જ નહીં જો તેઓ કોઇની સાથે પાર્ટનરશિપમાં આવે છે તો પણ તેના પર પ્રતિબંધ લગાવવામાં આવશે. બીજી તરફ MSME સેક્ટરમાં પણ ચીન પર સકંજો કસવામાં આવશે.
આ પહેલા સરકારે ચીનની 59 મોબાઇલ એપ્સ પર પ્રતિબંધ લગાવ્ય હતો, જેમાં ટિકટૉક પણ સામેલ હતું. ત્યારે રેલવેએ ચીનની કંપનીઓના કોન્ટ્રાક્ટ પણ રદ્દ કરી દીધા હતા.