પીછેહઠ / LAC: ભારત અને ચીનની 11 કલાકની બેઠક બાદ આવ્યું આ પરિણામ, આજે આર્મી ચીફ લેહ જશે

• LAC પર તણાવ ઓછો કરવા માટે, સૈન્ય અધિકારીઓએ વાતચીત કરી, 
• સોમવારે થઈ કમાન્ડર-સ્તરની વાતચીત, બેઠક 11 કલાક સુધી ચાલી
• આર્મી ચીફ જનરલ નરવણે લેહ જશે

ભારત અને ચીનના સૈન્ય અધિકારીઓની બેઠક ગલવાન ઘાટીમાં થયેલી હિંસક અથડામણ બાદ બનેલા તણાવને ઓછો કરવાને લઈને થઈ હતી. આ પહેલા સોમવારે જ્યારે ચીનના નિયંત્રણવાળા ભાગમાં મોલ્ડોમાં બેઠક થઈ તો ભારતે ચીનને સ્પષ્ટ શબ્દોમાં કહી દીધું હતું કે 5 મે પહેલા તેઓ જે જગ્યાએ હતા ત્યા પાછા ફરી જાય.

ભારતીય ટુકડીનું નેતૃત્વ લેફ્ટનન્ટ જનરલ હરિન્દર સિંહે કર્યુ હતું. ચીન તરફથી શિનજિયાંગ સૈન્ય જિલ્લાના પ્રમુખ મેજર જનરલ લિયુ લિન હતા.

ભારતે ચીનથી સૈન્ય પાછું ખેંચવાની સમયમર્યાદા માંગી છે

સૂત્રોના જણાવ્યા અનુસાર સોમવારે યોજાયેલી કોર કમાન્ડર કક્ષાની બેઠક દરમિયાન ભારતે ચીનથી એલએસીમાં સૈનિકો પરત ખેંચવાની સમય મર્યાદા માંગી હતી. ગલવાન ખીણમાં લોહિયાળ અથડામણ બાદ બંને દેશોના સૈન્ય અધિકારીઓ વચ્ચે મોટી વાતચીત થઈ હતી. તેનો હેતુ એલએસી પર અગાઉની સ્થિતિ જાળવી રાખવાનો છે.

હિંસક અથડામણ બાદ તણાવ વધી ગયો

15 જૂને હિંસક અથડામણ બાદ બંને દેશોમાં તણાવ વધ્યો હતો. ગલવાન ખીણમાં 15 જૂનની રાત્રે ભારત અને ચીનના સૈનિકો વચ્ચે લોહિયાળ સંઘર્ષ થયો. આમાં ભારતના 20 સૈનિકો શહીદ થયા હતા. જ્યારે ચીને આ આંકડા પણ બહાર પાડ્યા નહોતા. જો કે આ અથડામણમાં 43 ચીની સૈનિકોનાં મોત નોંધાયા છે.

આર્મી ચીફ જનરલ નરવણે લેહ જશે

આર્મી ચીફ જનરલ એમએમ નરવણે મંગળવારે લેહની મુલાકાત લેશે. સેના પ્રમુખ 14 મી કોરના સૈન્ય અધિકારીઓ સાથે પરિસ્થિતિનું નિરિક્ષણ કરશે. આ સાથે અમે ભારત અને ચીનના સૈન્ય કમાન્ડરો વચ્ચેની વાતચીતની પ્રગતિની પણ સમીક્ષા કરશે. જનરલ નરવણે ચીન સાથેની એક્યુઅલ લાઈન ઓફ કંટ્રોલ અને પાકિસ્તાન સાથે અંકુશ રેખાની બાજુમાં સુરક્ષા દળોની સજ્જતાની તૈયારીની પણ સમીક્ષા કરશે.