ભારતને આંતરરાષ્ટ્રીય સ્તર પર સતત આગળ વધતું જોઈને ચીને ફરી એકવાર ભારતને ચેતવણી આપવાની હિંમત કરી છે. ચીને ભારતને ચેતવણી આપી છે કે તે અમેરિકાના સમર્થનમાં G-7માં સામેલ થઈને આગથી રમવાનું કામ કરી રહ્યું છે. તેનાથી તેને મોટું નુકસાન પણ થઈ શકે છે. હકીકત તો એ છે ભારતના આંતરરાષ્ટ્રિય સ્તર પર વધતા કદને લઈને ચીને ફરી માથું પકડ્યું છે.
ચીને ફરી ભારતને આપી ચેતવણી
અમેરિકાના સમર્થનમાં G-7માં સામેલ થવા માટે કહી આ વાત
ચીને કહ્યું ભારતને થશે મોટું નુકસાન
અમેરિકી રાષ્ટ્રપતિ ડોનાલ્ડ ટ્રમ્પે G-7 દેશોમાં રશિયા અને ભારતે સામેલ કરવાની કોશિશ શરૂ કરી છે. રશિયાએ ભલે હાલમાં સામેલ થવા ન માટે પોતાનો મત આપ્યો હોય પણ ટ્રમ્પે પોતે ભારતીય પીએમ મોદીને ફોનથી પ્રસ્તાવ માટે વાત કરી હતી. ભારતના આંતરરાષ્ટ્રિય સ્તર પર વધતા કદને લઈને ચીને ફરી માથું પકડ્યું છે. ચીને ભારતને ચેતવણી આપી છે કે તે અમેરિકાના સમર્થનમાં G7માં સામેલ થઈને આગથી રમવાનું કામ કરી રહ્યું છે. તેનાથી તેને મોટું નુકસાન પણ થઈ શકે છે.
#Opinion: If #India hastily joins a small circle that perceives China as an imaginary enemy, China-India relations will deteriorate. This is not in India's interests. #G7https://t.co/0nkSnKWi4E
ચીનના સરકારી મીડિયાથી મળતી માહિતી અનુસાર ટ્રમ્પ ભારત, રશિયા અને અન્ય દેશોમાં G7માં સામેલ કરીને તેને G-10 કે G-11 બનાવવાના સપનાં જોઈ રહ્યું છે. આ પ્રસ્તવામાં ભલે વિકસિત દેશોનો ફાયદો હોય પણ ભારતનું નુકસાન થશે તે નક્કી છે. ચીનનું માનવું છે કે અમેરિકા- ચીનના સંબંધોને ધ્યાનમાં રાખીને ટ્રમ્પ આ પગલું ભરી રહ્યા છે. તેનાથી દરેક તરફથી ચીનને દબાવવાની કોશિશ કરવામાં આવી રહી છે. ચીનના આધારે અમેરિકાની ઈન્ડો પેસિફિક નીતિમાં ભારતની મુખ્ય ભૂમિકા છે. કેમકે ન ફક્ત તે દુનિયાની 5મી સૌથી મોટી અર્થવ્યવસ્થા છે પણ સૌથી મોટી સેના પણ તેની પાસે છે.
ભારતને ગણાવ્યું તાકાતનું ભૂખ્યું
ભારતમાં હાલની સરકાર તાકાતની ભૂખી છે અને આ માટે તેઓને ટ્રમ્પની ચાલ દેખાઈ રહી નથી. આ સિવાય ભારત -ચીન સીમા વિવાદમાં પોતાને તાકાતવર દેખાડવા માટે ભારત હવે જી7 અને અમેરિકા જેવા દેશોનો સહારો લેવાની કોશિશમાં છે. ચીને આરોપ લગાવ્યો છે કે ભારતમાં કેટલાક એવા સંગઠન છે જે ચીન વિશે અફવા ફેલાવી રહ્યા છે. અને ભારત સરકાર આવા સંગઠનો પર કાર્યવાહી કરવામાં નિષ્ફળ રહ્યા છે. એશિયામાં જેમ જેમ ચીનની તાકાત વધી રહી છે તેમ તેની વિરુદ્ધમાં દુનિયાભરમાં એક દુષ્પ્રચાર અભિયાન ચાલી રહ્યું છે. આ જી 7ને વધારવાનો નવો પ્લાન પણ ચીનની વધતી શક્તિને રોકવાનો એક પ્રયાસ છે.
ચીને ભારતને સલાહ આપી છે કે તેની ભલાઈ ફક્ત મિત્રતામાં છે
ચીનના મૈત્રીપૂર્ણ વર્તન છતાં ભારત તેને સતત પોતાનો દુશ્મન માની રહ્યો છે, જેના કારણે બંને દેશો વચ્ચે વારંવાર તણાવ પેદા થાય છે. ચીને ભારતને સલાહ આપી છે કે તેની સુખાકારી ફક્ત મિત્રતામાં છે કારણ કે ચીન સાથેની દુશ્મની તેનાથી વધી શકે છે. આ પહેલા પણ રવિવારે ચીને ભારતને ખુલ્લેઆમ ધમકી આપી હતી કે તેણે યુએસ-ચીન વિવાદ વિવાદથી દૂર રહેવું જોઈએ. ચીને ભારતને 'જાગૃત' રહેવાની સલાહ આપતી વખતે કહ્યું કે તેમાં દખલ કરવાથી તમારું મોટું નુકસાન થઈ શકે છે. જાણકારોના આધારે ચીન અને અમેરિકામાં કોરોના સંક્રમણ પછી શરૂ થયેલો આ વિવાદ દુનિયાને નવી કોલ્ડ વોર તરફ ધકેલી શકે છે.
ભારતની અર્થવ્યવસ્થાને લાગશે મોટો ઝટકો
ચીને ચેતવણી આપી છે કે અમેરિકા અને ચીનમાં નવી કોલ્ડ વોર શરૂ થાય છે તો ભારત અને અમેરિકાના પક્ષમાં જવાનું નક્કી કરે છે તો તે ચીન અને તેના વ્યાપક સંબંધોને માટે ઘાતક હોઈ શકે છે. ભારત અમેરિકાનું મહોરું બનશે તો આ બંને પડોશી દેશોના ટ્રેડ રિલેશન પૂર્ણ થશે જેનાથી ભારતની અર્થવ્યવસ્થા જે હજુ પણ મોટા ઝટકા સહન કરી રહી છે. તેની ખરાબ અસર થઈ શકે છે. આ સમયે અર્થવ્યવસ્થાને બર્બાદ થવી એનાથી વધુ ખરાબ ભારત માટે કંઈ હોઈ શકે નબીં. અમે ભારતને એક વાર ફરી સલાહ આપીએ છીએ કે તે ચીનની સાથેના પોતાના સંબંધોને વિશે સ્પષ્ટતા કરે અને ગંભીરતાથી વિચારે.