વિવાદ / રાજનાથસિંહ ઓચિંતા આ દેશના પ્રવાસે પહોંચતા ચીનને લાગ્યો ઝટકો

• રાજનાથસિંહે SCOની બેઠકમાં લીધો ભાગ 
• ચીનને મોટો ઝટકો પડી શકે

રાજનાથસિંહે કહ્યું કે, બેઠકમાં ક્ષેત્રિય સુરક્ષાના મુદ્દા પર ચર્ચા થઈ. જેમાં અફઘાનિસ્તાનમાં શાંતિ અને સ્થિરતા બહાલ કરવાનો મુદ્દો પણ સામેલ હતો. સૌહાર્દપૂર્ણ માહોલમાં થયેલી આ બેઠકમાં બંને નેતાઓએ ભારત-ઈરાનના વર્ષો જૂના સાંસ્કૃતિક, ભાષાકીય અને સામાજિક સંબંધોને મજબૂત કરવા પર ભાર મૂક્યો હતો. આ દરમિયાન બંને દેશોના સંબંધોને આગામી સ્તરે લઈ જવા અંગે પણ ચર્ચા થઈ. 

રાજનાથસિંહે SCOની બેઠકમાં લીધો ભાગ 

અત્રે ઉલ્લેખનીય છે કે, સંરક્ષણ પ્રધાન રાજનાથસિંહ એસસીઓની બેઠકમાં ભાગ લેવા માટે મોસ્કો ગયા હતા, જ્યાં ચીનના સંરક્ષણ પ્રધાન વેઈ ફાંગહેએ તેમની સાથે બેઠક માટે ભલામણ કરી હતી. 

ચીનને મોટો ઝટકો પડી શકે

આ બેઠકમાં રાજનાથસિંહે ચીનને હકીકતથી વાકેફ કરાવ્યું હતું અને તેને લદ્દાખમાં જૂની સ્થિતિ ફરીથી બહાલ કરવાનું કહ્યું હતું. ત્યાંથી પાછા ફરતી વખતે રાજનાથ સિંહ અચાનક શનિવારે ઈરાન પહોંચી ગયા હતા. અફઘાનિસ્તાનમાં ચીન પોતાનો પ્રભાવ વધારવાની કોશિશ કરી રહ્યું છે. આવામાં ભારત-ઈરાનમાં સહમતિ બન્યા બાદ ચીનને મોટો ઝટકો પડી શકે છે.