જીત / LAC વિવાદને લઇને મહત્વના સમાચાર, ભારતના કડક વલણ સામે ચીન ઝુક્યું, લદ્દાખમાં સૈનિકો કરશે પીછેહઠ

• LAC વિવાદને લઇને મહત્વના સમાચાર 
• ભારતની કુટનિતિક પગલાની ચીન સામે જીત 
• ચીન પોતાના સૈનિકોને સંપૂર્ણ રીતે પીછે હઠ કરશે

ન ચાલી દાદાગીરી તો પકડ્યો વાતચીતનો રસ્તો

આ શ્રેણીમાં ચીને ભારત સાથે પૂર્વી લદ્દાખમાં સરહદ વિવાદ પર રાજકીય સ્તરે બેઠક કરી અને વાસ્તવિક નિયંત્રણ રેખા (LAC) પર શાંતિ બનાવી રાખવા માટે આ વિસ્તારમાંથી સૈનિકોની સંપૂર્ણ રીતે પીછેહઠ કરવા સહમતિ દર્શાવી. ભારતીય વિદેશ મંત્રાલય દ્વારા આ અંગેની જાણકારી આપતાં કહ્યું કે ભારત-ચીન સરહદ મામલા અંગે વિચારણા અને સમન્વયની પ્રણાલિકા (WMCC) ની રુપરેખા હેઠળ વાતચીત આયોજિત કરવામાં આવી. 

શાંતિ સ્થાપવાને લઇને પ્રયત્ન

ભારતીય વિદેશ મંત્રાલય દ્વારા જણાવામાં આવ્યું કે બંને પક્ષોએ દ્વિપક્ષીય સમજુતિ તેમજ પ્રોટોકોલ હેઠળ સરહદી વિસ્તારમાં માનસિક શાંતિ સંપૂર્ણ રીતે જળવાય તેમજ LACની આસપાસથી સૈનિકોની સંપૂર્ણ પીછેહઠ કરવાને લઇને વાત ફરી કરવામાં આવી. વિદેશ મંત્રાલય દ્વારા કહેવામાં આવ્યું કે ચીને આ વાત પર પણ સહમતિ જતાવી છે કે દ્વિપક્ષીય સંબંધોના સમગ્ર વિકાસ માટે સરહદી વિસ્તારોમાં લાંબાગાળા સુધી શાંતિ બનાવી રાખવી જરૂરી છે. 

સરહદ પર સૈનિકની પીછેહઠ કરવા સહમતિ

વીડિયો કોન્ફરન્સિંગ દ્વારા થયેલી વાતચીતમાં ભારત તરફથી અધ્યક્ષતા વિદેશ મંત્રાલયના સંયુક્ત સચિવ (પૂર્વી એશિયા)એ કરી, જ્યારે ચીન તરફથી નેતૃત્વ ચીનના વિદેશ મંત્રાલયમાં સરહદી અને દરિયા વિભાગના મહાનિદેશ જોડાયાં. મંત્રાલયે કહ્યું, અમે ભારત-ચીન સરહદી વિસ્તારોની પરિસ્થિતિની સમીક્ષા જેમાં પશ્ચિમ ક્ષેત્રમાં LAC પર રહેલા સૈનિકોની પીછેહઠની પ્રક્રિયા શરૂ કરવાની સમીક્ષા પણ સામેલ છે. તેઓએ જણાવ્યું કે બંને પક્ષોએ સહમતિ દર્શાવી છે કે વરિષ્ઠ કમાંડરો વચ્ચે થયેલી સહમતિને ગંભીરતાથી લાગુ કરવાની જરૂરિયાત છે.