વાયરલ / Video: રસ્તા વચ્ચે ટ્રાફિક જામ કરીને મહિલાએ બનાવી રિલ્સ, પછી થયું જોવા જેવું

તાજેતરમાં ચંડીગઢમાં એક પોલીસ કોન્સ્ટેબલને સસ્પેન્ડ કરી દેવામાં આવ્યો, તેની પાછળનું કારણ જાણીને ચોંકી જવાશે. પત્નીના રીલ બનાવવાનો શોખ પતિને ભારે પડ્યો છે. માહિતી અનુસાર, કોન્સ્ટેબલની પત્ની રસ્તાની વચ્ચે ડાન્સ કરીને રીલ બનાવી રહી હતી, જેના કારણે ટ્રાફિક જામ થઈ ગયો હતો. આ વીડિયો સોશિયલ મીડિયા પર વાયરલ થઈ ગયો, જે પછી પોલીસ વિભાગે કાર્યવાહી કરી. જણાવી દઈએ કે રીલ સામે આવતાની સાથે જ વહીવટીતંત્રે કાર્યવાહી કરી અને ચંડીગઢ પોલીસમાં તૈનાત મહિલાના પતિને જાહેર જનતામાં અવરોધ ઊભો કરવા બદલ સસ્પેન્ડ કરી દીધો.

શું છે સમગ્ર મામલો?

સોશિયલ મીડિયા પર વાયરલ થયેલા વીડિયોમાં, કોન્સ્ટેબલની પત્ની રસ્તાની વચ્ચોવચ ડાન્સ કરી રહી હતી, જેના કારણે ટ્રાફિક જામ થઈ ગયો. આ વીડિયો ઇન્સ્ટાગ્રામ પર શેર કરવામાં આવ્યો હતો અને વીડિયો વાયરલ થતાં જ ચંડીગઢ પોલીસે આ મામલાને ગંભીરતાથી લીધો અને રીલ બનાવનાર મહિલા વિરુદ્ધ કેસ નોંધ્યા બાદ મહિલાના પોલીસ કર્મચારી પતિને સસ્પેન્ડ કરી દીધો. એવું કહેવામાં આવી રહ્યું છે કે મહિલાએ સેક્ટર-20 ના ગુરુદ્વારા ચોક પર રસ્તાની વચ્ચે ડાન્સ કરીને એક રીલ બનાવી હતી, જે સોશિયલ મીડિયા પર ઝડપથી વાયરલ થઈ ગઈ.

અહીં જુઓ વીડિયો

ઝેબ્રા ક્રોસિંગ પર કર્યો ડાન્સ

માહિતી અનુસાર, આ કોન્સ્ટેબલનું નામ અજય કુંડુ હોવાનું કહેવાય છે. પોલીસના જણાવ્યા અનુસાર, કોન્સ્ટેબલ અજય કુંડુની પત્ની જ્યોતિએ સેક્ટર 20 માં એક મંદિરમાં દર્શન કર્યા પછી તેની ભાભી પૂજાની મદદથી આ વીડિયો બનાવ્યો હતો. વાયરલ વીડિયોમાં જોઈ શકાય છે કે મહિલા ઝેબ્રા ક્રોસિંગ પર હરિયાણવી ગીત પર ઠુમકા લગાવતી દેખાઈ રહી છે, જયારે તેના કારણે ટ્રાફિક અટકેલો છે. વીડિયો વાયરલ થયા પછી, હેડ કોન્સ્ટેબલ જસબીર સિંહે ફરિયાદ નોંધાવી હતી કે મહિલાની હરકતોને કારણે ટ્રાફિક જામ થઈ ગયો અને ટ્રાફિક મેનેજમેન્ટમાં ઘણી મુશ્કેલી પડી.

પોલીસ ડિપાર્ટમેન્ટનું રિએક્શન

ચંડીગઢ પોલીસે આ ઘટના પર નિવેદન જારી કરીને કહ્યું કે સાર્વજનિક સ્થળો પર આ પ્રકારની હરકતો ચલાવી લેવામાં આવશે નહીં. વિભાગે તમામ પોલીસકર્મીઓને સોશિયલ મીડિયાના ઉપયોગને લઈને સતર્ક રહેવાની સલાહ આપી છે, જેથી તેમની વ્યક્તિગત હરકતોને કારણે વિભાગનું નામ ખરાબ ન થાય.

સોશિયલ મીડિયા પર આવ્યું રિએક્શન

આ વીડિયો વાયરલ થયા બાદ સોશિયલ મીડિયા પર લોકો બે જૂથોમાં વહેંચાઈ ગયા. કેટલાક લોકોએ તેને મનોરંજન તરીકે લીધું, તો કેટલાકે તેને અનુશાસનહીનતા ગણાવી. ઘણા યુઝર્સે પોલીસ વહીવટીતંત્રની કાર્યવાહીને સમર્થન આપ્યું, જ્યારે કેટલાકે તેને કડક પગલું ગણાવ્યું.

આ પણ વાંચો: Video/10 રૂપિયાની નોટ સાંધવા આ શખ્સે કર્યો એવો જુગાડ, લોકો વીડિયો જોઇને રહી ગયા દંગ

સોશિયલ મીડિયા પર ટ્રેન્ડિંગમાં છે વીડિયો

આ વીડિયો ઇન્સ્ટાગ્રામ અને ટ્વિટર પર ઝડપથી ટ્રેન્ડ થવા લાગ્યો. લોકોએ #ChandigarhPolice, #DanceReel અને #TrafficJam જેવા હેશટેગ્સ સાથે આ મુદ્દા પર પોતાના મંતવ્યો વ્યક્ત કર્યા. ચંડીગઢ પોલીસ કોન્સ્ટેબલના સસ્પેન્શન પછી, એ સ્પષ્ટ થઈ ગયું છે કે સોશિયલ મીડિયા પર વાયરલ કન્ટેન્ટ બનાવવાની રેસમાં જાહેર સ્થળોએ અનુશાસનહીનતા માટે કોઈ સ્થાન નથી. પોલીસ વિભાગે આવી પ્રવૃત્તિઓ સામે કડક સંદેશ પણ આપ્યો છે જેથી ભવિષ્યમાં કોઈ સરકારી કર્મચારી આવી બેદરકારી ન કરે. VTV ડિજિટલ આ વાયરલ વીડિયોની પુષ્ટિ કરતું નથી.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ