વડાપ્રધાન મોદીની હાજરીમાં આજે ભારત-મધ્ય એશિયા શિખર સંમેલન યોજાશે. જેમા 5 દેશો ભાગ લેવાના છે. આ બેઠકમાં ખાસ કરીને અફઘાનિસ્તાનની સ્થિતીને લઈને ચર્ચા કરવામાં આવશે.
આજે ભારત-મધ્ય એશિયા શિખર સંમેલનનું આયોજન
વડાપ્રધાન મોદી પણ આ બેઠકમાં ભાગ લેશે
અફઘાનિસ્તાનની સ્થિતીને લઈને કરાશે ખાસ ચર્ચા
અફઘાનિસ્તાનની સ્થિતીને લઈને આજે દિલ્હીમાં પહેલી વખત ભારત-મધ્ય શિખર સંમેલન યોજાશે. આ બેઠકમાં કનેક્ટિવિટી, વેપાર અને સહયોગને લઈને એક વિશેષ રણનીતિ બનાવમાં આવશે સાથેજ અફઘાનિસ્તાનની સ્થિતીને લઈને પણ ચર્ચા કરવામાં આવશે. આ સંમેલનમાં આજે પાંચ મધ્ય એશિયાઈ દેશ શામેલ થશે અને તેઓ પણ અફઘાનિસ્તાન સંકટને લઈને ચર્ચા કરશે.
Prime Minister Narendra Modi to host the first meeting of the India-Central Asia Summit, with the participation of the Presidents of Kazakhstan, Kyrgyz Republic, Tajikistan, Turkmenistan and Uzbekistan, in a virtual format today.
આપને જણાવી દઈએ કે કજાકિસ્તાન, કિર્ગિસ્તાન, તાજિકિસ્તાન, તુર્કિમેનિસ્તાન અને ઉજબેકિસ્તાન આજે શિખર સંમેલનમાં ભાગ લેશે. આ દરેક દેશોમાં કોરોનાના કેસ ઝડપથી વધી રહ્યા છે. જેથી તેઓ કાલે ભારતના ગણતંત્ર દિવસના સમારોહમાં ભાગ લેવા ન આવી શક્યા. પરંતુ આજે વર્ચ્યુઅલ મીટિંગ દ્વારા તેઓ શિખલ સંમેલનમાં ભાગ લેશે.
એકબીજા સાથેના સંબંધો મજબૂત કરવા થશે ચર્ચા
આ બેઠકમાં ખાસ કરીને વેપાર, કનેક્ટિવિટી, સહયોગ, સંસ્કૃતિ અને દરેક દેશો એકબીજા સાથે સંબંધ વધારે મજબૂત બનાવે તેને લઈને ચર્ચા થશે. ઉપરાંત આ શિખર સંમેલનને નિયમિત કાર્યક્રમ બનાવવા એક સ્થાયી સચિવાલયનું નિર્માણ કરવામાં આવશે, જ્યા દેરક દેશના ઉચ્ચ અધિકારીઓ પોતાની સલાહ તેમજ સૂચન આપી શકશે.
કજાકિસ્તાન સાથે ભારતના ખાસ સંબંધ
ગત નવેમ્બરમાં પણ આ બેઠક યોજાઈ હતી જેમા પાંચ દેશોના સુરક્ષા અધિકારીઓએ ભાગ લીધો હતો. દરેક દેશો સાથે ભારતના મજબૂત દ્વિપક્ષીય સંબંધ છે. કજાકિસ્તાનમાં ભારતને યુરેનિયમ પુરતા પ્રમાણમાં આપે છે. સાથેજ ત્યા ભારતનો વેપાર પણ મોટા પ્રમામણમાં ફેલાયેલો છે.
ISILઆતંકી સંગઠન એક ચિંતાનો વિષય
અફઘાનિસ્તાનમાં ઈસ્લામિક સ્ટેટ ઓફ ઈરાક એન્ડ લેવેંત એટલે કે ISIL પ્રવૃત્તિઓ હવે એક ચિંતાનો વિષય બન્યો છે. કારણકે આ આતંકી સંગઠન દેશ વિદેશમાં પોતાનું શક્તિ પ્રદર્શન દેખાડવા માટે આતંકી હુમલાઓને અંજામ આપે છે. જે ભારત સહિતના ઘણા બધા દેશો માટે ચિંતાનો વિષય બન્યો છે.