સંરક્ષણ મંત્રાલયના સૂત્રોના જણાવ્યા અનુસાર, અમેરિકાએ તેના વિદેશી સૈન્ય વેચાણ કાર્યક્રમ કે જેનો ખર્ચ રૂ૬.૦૦૦ કરોડ (અંદાજે એક બિલિયન ડોલર)થી પણ વધુનો છે, તેના હેઠળ ભારતને NASAMS-IIનાં વેચાણ માટે સ્વીકૃતિના પત્રનો ફાઈનલ ડ્રાફ્ટ બનાવી લીધો છે. આ ડ્રાફ્ટ જુલાઈ-ઓગસ્ટ સુધીમાં ભારતને મોકલી આપે તેવી શક્યતા છે. સૂત્રોના કહેવા પ્રમાણે, દિલ્હીની આસપાસ મિસાઈલ બેટરીની તહેનાતી માટે સાઈટની પસંદગીના મુદ્દે અનેક વખત ચર્ચાઓ થઈ છે.
નવી દિલ્હીઃ દેશની રાજધાની દિલ્હી સુરક્ષિત રહે તે માટે ભારત હવે અમેરિકા પાસેથી નેશનલ એડવાન્સ્ડ સરફેસ ટુ એર મિસાઈલ સિસ્ટમ-2 (NASAMS-II) મેળવશે. ભારત તેનો ઉપયોગ સ્વદેશી, રશિયન અને ઈઝરાયલ સિસ્ટમ સાથે મેળવીને એક ‘બહુસ્તરીય હવાઈ ઢાલ’ બનાવવા માટે કરશે. આ સિસ્ટમ સક્રિય થયા બાદ રાષ્ટ્રીય રાજધાની દિલ્હીને ફક્ત મિસાઈલનાં ખતરાથી જ નહીં પણ ડ્રોન અને બેલેસ્ટિક મિસાઈલથી પણ સુરક્ષિત રાખી શકાશે. દિલ્હીમાં ૯/૧૧ જેવા હુમલા લગભગ અશક્ય બનશે.
સંરક્ષણ મંત્રાલયના સૂત્રોના જણાવ્યા અનુસાર, અમેરિકાએ તેના વિદેશી સૈન્ય વેચાણ કાર્યક્રમ કે જેનો ખર્ચ રૂ૬.૦૦૦ કરોડ (અંદાજે એક બિલિયન ડોલર)થી પણ વધુનો છે, તેના હેઠળ ભારતને NASAMS-IIનાં વેચાણ માટે સ્વીકૃતિના પત્રનો ફાઈનલ ડ્રાફ્ટ બનાવી લીધો છે. આ ડ્રાફ્ટ જુલાઈ-ઓગસ્ટ સુધીમાં ભારતને મોકલી આપે તેવી શક્યતા છે. સૂત્રોના કહેવા પ્રમાણે, દિલ્હીની આસપાસ મિસાઈલ બેટરીની તહેનાતી માટે સાઈટની પસંદગીના મુદ્દે અનેક વખત ચર્ચાઓ થઈ છે.
એક વખત ડીલ નક્કી થાય ત્યારબાદ ડિલીવરી બેથી ચાર વર્ષમાં મળી જશે. સંરક્ષણ મંત્રાલયે પહેલેથી જ NASAMS-II મેળવવા જરૂરી મંજૂરીઓ લઈ લીધી છે. અમેરિકા જોકે હાલ ભારત પર તેની ટર્મિનલ હાઈ એલ્ટિટ્યૂડ એરિયા ડિફેન્સ (THAAD) અને પેટ્રિયટ એડવાન્સ્ડ કેપેબિલિટી (PAC-3) મિસાઈલ ડિફેન્સ સિસ્ટમ ખરીદવા માટે પણ દબાણ કરી રહ્યું છે. ૫.૪૩ બિલિયન ડોલર (અંદાજે ૪૦ હજાર કરોડ રૂપિયા)ની કિંમતની એસ-૪૦૦ ટ્રાયમ્ફ સરફેસ ટુ એર મિસાઈલ સિસ્ટમની પાંચ સ્ક્વોડ્રન માટે રશિયા સાથે અગાઉથી જ સોદો થઈ ગયો છે.
ભારતે ઓક્ટોબર, ૨૦૧૮માં અમેરિકાના પ્રતિબંધ અધિનિયમ (CAATSA) નામના અમેરિકી કાયદા હેઠળ પ્રતિબંધોના ખતરા બાદ રશિયા સાથે એસ-૪૦૦ મિસાઈલનો સોદો કર્યો હતો. દિલ્હી પર મિસાઈલ શિલ્ડ (મિસાઈલ હુમલાથી સુરક્ષા) માટે ખાસ NASAMS-II ખરીદવામાં આવી રહી છે. બીજી તરફ એસ-૪૦૦ સિસ્ટમ ઓક્ટોબર, ૨૦૨૦થી એપ્રિલ,૨૦૨૩ વચ્ચે ભારતને મળવાની છે. એસ-૪૦૦ સિસ્ટમ ૩૮૦ કિમીની સીમામાં બોમ્બ, જેટ, જાસૂસી વિમાન, મિસાઈલ અને ડ્રોનને શોધી કાઢવા અને તેમને નષ્ટ કરવામાં સક્ષમ છે. દિલ્હીનાં મિસાઈલ શિલ્ડનું સૌથી ઉપરનું સ્તર ડીઆરડીઓ દ્વારા વિકસિત કરવામાં આવી રહેલી સ્વદેશી દ્વિસ્તરિય બેલેસ્ટિક મિસાઈલ ડિફેન્સ સિસ્ટમ (બીએમડી) દ્વારા રચવામાં આવશે.