આસામ / અહીં દેશનું સૌથી મોટું ડિટેન્શન સેન્ટર બની રહ્યો હોવાનો દાવો, જાણો ખરેખર શું છે હકીકત

• આસામમાં તૈયાર થઈ રહ્યું છે ડિટેન્શન સેન્ટર
• દેશનું સૌથી મોટું ડિટેન્શન સેન્ટર કહેવાશે
• ડિટેન્શન કેમ્પમાં રખાશે ઘૂસણખોરોને

આ લોકોને રાખવામાં આવશે ડિટેન્શન સેન્ટરમાં

નેશનલ સિટિઝન રજિસ્ટરમાં જે લોકોના નામ નથી આવ્યા અને જો તેમને ફોરેન ટ્રિબ્યુનલથી પણ રાહત મળતી નથી તો તેમને આ ડિટેન્શન સેન્ટરમાં રાખવામાં આવશે. જો કોઈ વ્યક્તિ દેશમાં ખોટી રીતે પ્રવેશ કરાતા પકડાય છે તો તેને પણ ડિટેન્શન સેન્ટરમાં રાખી શકાય છે. 

આ રીતે તૈયાર થઈ રહ્યું છે ડિટેન્શન સેન્ટર

• આસામના ગોવાલપારામાં ડિટેન્શન સેન્ટરમાં અનેક મજદૂર કામ કરી રહ્યા છે અહીં 4-4 માળની 15 બિલ્ડિંગો બનાવવામાં આવી રહી છે. 
• આ ડિટેન્શન સેન્ટરનો 65 ટકા ભાગ પૂરો થઈ ચૂક્યો છે. તેને બનાવવા માટે 46 કરોડ રૂપિયા ખર્ચ થઈ શકે છે. આ સેન્ટરમાં કુલ 3 હજાર ઘૂસણખોરોને રાખવાની વ્યવસ્થા કરવામાં આવી છે. 
• ગોવાલપારાના ડિટેન્શન સેન્ટરનું નિર્માણ ડિસેમ્બર 2018માં શરૂ થયું હતું. નિર્માણ કાર્ય નક્કી સમયસીમાથી ધીમી ગતિએ કામ કરી રહ્યું છે. 15 બિલ્ડિંગમાંથી 13 બિલ્ડિંગ પુરુષો માટે હશે અને 2 બિલ્ડિંગ મહિલાઓ માટે રાખવામાં આવશે. 
• હાલમાં આસામના 6 જિલ્લા જેલમાં જ ડિટેન્શન સેન્ટર ચાલી રહ્યા છે. આ જેલ ડિબ્રૂગઢ, સિલચર, તેજપુર, જોરહાટ, કોકરાઝાર અને ગોવાલાપારામાં આવેલી છે. તેમાં લગભગ 800 લોકો રહે છે. 
• ડિટેન્શન સેન્ટરની પ્રક્રિયા સુપ્રીમ કોર્ટના આદેશ પર અમલમાં લાવવામાં આવી છે. આ માટે ભારતીય જમીન પર વિદેશીઓ તરીકે ઓળખાઈ રહેલા લોકોને જરૂરી સુવિધાઓ આપવાની વ્યવસ્થા કરવામાં આવી રહી છે.