કુશમેન એન્ડ વેકફિલ્ડ મેન્યુફેક્ચરિંગ રિસ્ક ઇન્ડેક્સના રિપોર્ટ મુજબ ચીન બાદ ભારત વિશ્વનું બીજા નંબરનું સૌથી આકર્ષક હબ છે. મેન્યુફેક્ચરિંગ હબમાં ચીન અત્યારે પ્રથમ સ્થાને છે. મેન્યુફેક્ચરિંગમાં આત્મનિર્ભર અને PIL યોજનાની અસર દેખાઇ છે અને મેન્યુફેક્ચરિંગમાં ભારતનું આકર્ષણ વધ્યું છે. આ યાદીમાં યુરોપ, અમેરિકા અને એશિયા પેસેફિકના 47 દેશોમાં વૈશ્વિક વિનિર્માણ માટે આકર્ષક ડેસ્ટિનેશનનું મુલ્યાંકન કરે છે. મેન્યુફેક્ચરિંગ હબમાં વધુ માંગવાળા મેન્યુફેક્ચરિંગ ડેસ્ટિનેશનમાં કેનેડા ચોથુ, મધ્ય યુરોપમાં સ્થિત ચેક ગણરાજ્ય પાંચમુ, ઈન્ડોનેશિયા છઠ્ઠા સ્થાન પર છે. ઉલ્લેખનીય છે કે, ગયા વર્ષના રિપોર્ટમાં અમેરિકા બીજા સ્થાન પર હતું. જેને હવે ભારતે ત્રીજા સ્થાન પર ધકેલી દીધુ છે.
ભારતના વાર્ષિક રેન્કિંગમાં થયો મોટો ફેરફાર
કુશમેન એન્ડ વેકફીલ્ડ મુજબ જાણવા મળ્યું છે કે ઉત્પાદકો અમેરિકા અને એશિયા-પેસેફિક ક્ષેત્રની સરખામણીએ ભારતમાં વધુ રસ દાખવી રહ્યાં છે. માનવામાં આવી રહ્યું છે કે ભારતનું કામગીરીની દ્રષ્ટિએ અને ખર્ચની દ્રષ્ટિએ ચાલતા મેન્યુફેક્ચરિંગ હબ તરીકે આકર્ષણ વધ્યું છે. જેના કારણે ભારતના વાર્ષિક રેન્કિંગમાં ખૂબ સુધારો થયો છે. ભારતને વિશ્વની ફેક્ટરી બનાવવા માટે આત્મનિર્ભર અને પીઆઈએલ યોજનાઓએ પોતાનો રંગ બતાવવાનો શરૂ કર્યો છે. ભારતમાં આઈફોન એસેમ્બલ કરનારી તાઈવાનની કંપની વિસ્ટ્રોન કોપ હવે લેપટોપ, મોબાઈલ અને આઈટી ઉત્પાદનો બનાવશે. જેના માટે ભારતે ઓપ્ટમિસ ઈલેક્ટ્રોનિક્સની સાથે હાથ મિલાવ્યો છે.