ક્રિકેટ / ધવન અને ગિલની ધમાકેદાર ઈનિંગ, ઝિમ્બાબ્વેને 10 વિકેટથી પરાજય આપીને ભારતે જીતી પહેલી વનડે

• ઝિમ્બાબ્વે સામેની પહેલી વનડેમાં ભારતની જીત
• ઝિમ્બાબ્વેને 10 વિકેટથી આપ્યો પરાજય 
• પહેલા બેટિંગ કરીને ઝિમ્બાબ્વે બનાવ્યાં 189 રન
• ભારતે 30.5 ઓવરમાં બનાવી લીધા 192 રન 
• શિખર ધવને અણનમ 81, શુભમન ગિલે બનાવ્યાં 82

ઝિમ્બાબ્વે સામેની 3 વનડે સિરિઝમાં ભારતે જીતનું ખાતું ખોલાવી દીધું છે. પહેલી વનડેમાં ભારતે ઝિમ્બાબ્વેને 10 વિકેટથી પરાજય આપીને સિરિઝમાં 1-0થી આગળ થયું છે. પહેલા બેટિંગ કરીને ઝિમ્બાબ્વેએ 189 રન બનાવ્યા હતા. જવાબમાં ભારતે 30.5 ઓવરમાં વિના વિકેટે 192 રન બનાવીને મેચ જીતી લીધી હતી.

ભારતે બનાવ્યો આ રેકૉર્ડ
ભારતની ઝિમ્બામ્બે સામે સતત 13મી જીત છે, જે કોઈ એક ટીમ વિરૂદ્ધ ટીમ ઇન્ડિયા માટે આ સૌથી વધુ છે. આ પહેલા બાંગ્લાદેશ સામે સતત 12 મેચ જીતી હતી.

શિખર ધવન અને શુભમન ગિલની ધમાકેદાર ઈનિંગ 

ભારત માટે શિખર ધવન અને શુભમન ગિલ અનુક્રમે 81 અને 82 રને અણનમ રહ્યા હતા. આ બન્ને ખેલાડીઓને પહેલી વનડેમાં સૌથી સારુ પ્રદર્શન કર્યું હતું. 

#ZIMvsIND 1st ODI | India beat Zimbabwe by 10 wickets to take a 1-0 lead in the three-match series.

(Shikhar Dhawan 81*, Shubman Gill 82*)

(Pic: BCCI) pic.twitter.com/qsIPfI0fmQ

— ANI (@ANI) August 18, 2022

લાંબા સમય બાદ રમવા આવેલા દીપક ચાહરે મચાવ્યો તરખાટ, 3 વિકેટ ઝડપી 

બ્રેડ ઇવાન્સ અને એનગારવાએ 9મી વિકેટ માટે 70 રનોની ભાગીદારી કરીને 189 રનોનો મોટા સ્કોર સુધી પહોંચાડ્યા. નગારવાએ 42 બોલનો સામનો કરતા ત્રણ ચોગ્ગા અને એક છગ્ગાની મદદથી 34 રન બનાવ્યા, ત્યારે બ્રેડ ઇવાન્સ 33 રન બનાવીને અણનમ રહ્યા. દીપક ચહર લાંબા સમય બાદ મેદાન પર પરત ફર્યો, અહીં તેણે 3 વિકેટ ઝડપી હતી. મહેમાન ટીમને ટેન્શનમાં લાવી દીધી. ત્યારે અક્ષર પટેલે અને પ્રસિદ્ધ કૃષ્ણાએ 3-3 વિકેટ ઝડપી હતી. જવાબમાં ભારતે 190 રનનો ટાર્ગેટ આસાનીથી હાંસલ કરી લીધો હતો.

That's that from the 1st ODI.

An unbeaten 192 run stand between @SDhawan25 & @ShubmanGill as #TeamIndia win by 10 wickets.

Scorecard - https://t.co/P3fZPWilGM #ZIMvIND pic.twitter.com/jcuGMG0oIG

— BCCI (@BCCI) August 18, 2022

ત્રણ વનડે સિરિઝમાં 1-0થી આગળ થયું ભારત
પહેલી મેચ જીતવાની સાથે જ ટીમ ઈન્ડીયા ઝિમ્બાબ્વે સામેની 3 વનડેની સિરિઝમાં 1-0થી આગળ થયું છે. સિરિઝની બીજી મેચ 20 ઓગસ્ટે રમાશે.