દબદબો / BIG NEWS: અંતિમ વનડેમાં આફ્રિકાને 7 વિકેટથી હરાવીને ભારતનો વનડે સિરિઝ પર કબજો

• સાઉથ આફ્રિકા સામેની વનડે સિરિઝમાં ભારતની જીત
• અંતિમ વનડેમાં આફ્રિકાને 7 વિકેટથી હરાવ્યું 
• સિરિઝ 2-1થી જીતી લીધી 
• પહેલા બેટિંગ કરીને આફ્રિકાએ બનાવ્યાં 99 રન 

ટી20 વર્લ્ડ કપ પહેલા ટીમ ઈન્ડીયાએ એક મોટી સિદ્ધિ મેળવી છે. મંગળવારે દિલ્હીના અરુણ જેટલી ક્રિકેટ સ્ટેડિયમમાં રમાયેલી સિરિઝની છેલ્લી વનડેમાં ભારતે સાઉથ આફ્રિકાને 7 વિકેટથી હરાવીને સિરિઝ 2-1થી જીતી લીધી છે. પહેલા બેટિંગ કરીને આફ્રિકાની ટીમ ફક્ત 27.1 ઓવરમાં 99 રનમાં ઓલઆઉટ થઈ ગઈ હતી. 100 રનનો પીછો કરવા ઉતરેલી ટીમ ઈન્ડીયાએ 19.1 ઓવરમાં ટાર્ગેટ પૂરો કરીને સિરિઝ જીતી લીધી હતી. 

#INDvsSA 3rd ODI | India beat South Africa by 7 wickets

India wins three-match ODI series 2-1.

— ANI (@ANI) October 11, 2022

ભારતીય બોલરોએ મચાવ્યો તરખાટ

દિલ્હીના અરુણ જેટલી ક્રિકેટ સ્ટેડિયમમાં રમાયેલી સિરિઝની ત્રીજી વનડેમાં ભારતીય બોલરોએ તરખાટ મચાવતાં આફ્રિકાને સસ્તામાં સમેટી લીધું હતું. ટોસ જીતીને પહેલા બેટિંગ માટે ઉતરેલી આફ્રિકી ટીમના ખેલાડીઓના ભારતીય બોલરોએ છગ્ગા છોડાવી દીધા હતા અને આખી ટીમને ફક્ત 99 રનમાં ઓલઆઉટ કરાવી દીધી હતી. ભારત વતી કુલદીપ યાદવે 4, શહબાઝ અહમદ અને વોશિંગ્ટન સુંદરે 2-2 આફ્રિકી ખેલાડીઓને આઉટ કર્યાં હતા.

આફ્રિકાની ટીમ ફક્ત 99 રન કરી શકી
બોલરની ઘાતક બોલિંગને કારણે આફ્રિકા ફક્ત 99 રન કરી શક્યું હતું અને ભારતને જીત માટે 100 રનનો ટાર્ગેટ મળ્યો હતો. આફ્રિકાના હેનરિક ક્લાસેને સૌથી વધારે 34 રન બનાવ્યાં તો માર્કો જોનસને 14 અને જાનેમન મલાને 15 રન કર્યાં હતા.  

હવે 16 ઓક્ટોબરથી ટી20 વર્લ્ડ કપની શરુઆત

વનડે  સિરિઝ પૂરી થયા બાદ હવે ટીમ ઈન્ડીયા ટી20 વર્લ્ડ કપ રમશે. 16 ઓક્ટોબરથી ઓસ્ટ્રેલિયામાં ટી20 વર્લ્ડ કપ શરુ થઈ રહ્યો છે.