દિલ્હીના અરુણ જેટલી ક્રિકેટ સ્ટેડિયમમાં રમાયેલી સિરિઝની ત્રીજી વનડેમાં ભારતીય બોલરોએ તરખાટ મચાવતાં આફ્રિકાને સસ્તામાં સમેટી લીધું હતું. ટોસ જીતીને પહેલા બેટિંગ માટે ઉતરેલી આફ્રિકી ટીમના ખેલાડીઓના ભારતીય બોલરોએ છગ્ગા છોડાવી દીધા હતા અને આખી ટીમને ફક્ત 99 રનમાં ઓલઆઉટ કરાવી દીધી હતી. ભારત વતી કુલદીપ યાદવે 4, શહબાઝ અહમદ અને વોશિંગ્ટન સુંદરે 2-2 આફ્રિકી ખેલાડીઓને આઉટ કર્યાં હતા.
આફ્રિકાની ટીમ ફક્ત 99 રન કરી શકી
બોલરની ઘાતક બોલિંગને કારણે આફ્રિકા ફક્ત 99 રન કરી શક્યું હતું અને ભારતને જીત માટે 100 રનનો ટાર્ગેટ મળ્યો હતો. આફ્રિકાના હેનરિક ક્લાસેને સૌથી વધારે 34 રન બનાવ્યાં તો માર્કો જોનસને 14 અને જાનેમન મલાને 15 રન કર્યાં હતા.
હવે 16 ઓક્ટોબરથી ટી20 વર્લ્ડ કપની શરુઆત
વનડે સિરિઝ પૂરી થયા બાદ હવે ટીમ ઈન્ડીયા ટી20 વર્લ્ડ કપ રમશે. 16 ઓક્ટોબરથી ઓસ્ટ્રેલિયામાં ટી20 વર્લ્ડ કપ શરુ થઈ રહ્યો છે.