Ind vs Pak / U19 WC : યુવા ટીમ ઈન્ડિયાનો કમાલઃ સેમીફાઈનલમાં પાકિસ્તાનને રગદોળી વર્લ્ડકપની ફાઈનલમાં પ્રવેશ

• સેમીફાઈનલમાં પાકિસ્તાન સામે ભારતની ભવ્ય જીત 
• યશસ્વીએ ફટકારી સદી 
• ભારતીય બેટ્સમેન સામે પાકિસ્તાની બોલર્સ ભોંય ભેગા 

આઈસીસી અન્ડર 19 વર્લ્ડ કપના સેમીફીનલમાં પાકિસ્તાન વિરુદ્ધ ટીમ ઇન્ડિયાના બેટ્સમેન યશસ્વીએ સદી ફટકારી હતી. યશસ્વીએ 113 બોલમાં 105 રન બનાવ્યા હતા. સાથે જ આ ખેલાડી આ ટૂર્નામેન્ટમાં સૌથી વધુ રન બનાવનાર ખેલાડી બની ગયા છે. યશસ્વીની શાનદાર બેટિંગની મદદથી ભારતે પાકિસ્તાનને 10 વિકેટથી હરાવી દીધું. ભારતે આ જીત બાદ ફાઈનલમાં પહોંચી ગયું છે. 

અંડર -19 વર્લ્ડ કપની પ્રથમ સેમિફાઇનલમાં પાકિસ્તાને ભારતીય બોલરોને ભોંય ભેગા કર્યા હતા. પાકિસ્તાનની આખી ટીમ 43.1 ઓવરમાં 172 રનમાં સમેટાઇ ગઇ હતી.  ભારત આ મેચ જીતતાની સાથે જ ફાઈનલમાં પહોંચ્યું છે. ભારતીય બેટ્સમેને આ મેચમાં શાનદાર પ્રદર્શન કર્યું અને ભારતને જીત અપાવી. 

નોંધનીય છે કે, ટોસ જીતીને પહેલા બેટિંગ કર્યા બાદ પાકિસ્તાનની શરૂઆત ખૂબ જ ખરાબ રહી હતી. ઓપનર હૈદર અલી (56) અને કેપ્ટન રોહેલ (62) એ ટીમને સંભાળવાનો પ્રયાસ કર્યો, પરંતુ વિકેટ સતત અંતરાલમાં પડતી રહી.

અન્ડર 19 વર્લ્ડ કપમાં સેમીફાઈનલમાં મુકાબલામાં ભારતીય બેટ્સમેને પાકિસ્તાનના હોશ ઉડાવી દીધા હતા. ભારતીય બેટ્સમેન યશસ્વી જાયસ્વાલે ધુઆંધાર બેટિંગ કરીને ભારતને જીત અપાવી હતી. પાકિસ્તાન ભારતની એક પણ વિકેટ લેવામાં સફળ ન થયું. જયારે યશસ્વી આ વર્લ્ડ કપમાં સૌથી વધુ રન કરનાર ખેલાડી બની ગયા હતા. 

ભારતીય બોલર્સ પાકિસ્તાનના બેટ્સમેન પર પડ્યા ભારે 

પહેલા સેમીફાઈનલમાં ભારતીય બોલર્સ પાકિસ્તાનના બેટ્સમેન પર ભારે પડતા સાબિત થયા છે. પાકિસ્તાન ટીમના કેપ્ટન રોહેલ નજીર 62 રન બનાવી આઉટ થયા હતા. જયારે રવિ બિશ્નોઈએ અબ્બાસ આફ્રીદીને એલબીડબ્લ્યુ કરીને સાતમી સફળતા અપાવી હતી. આ પહેલાં કાર્તિક ત્યાગીએ ઈરફાન ખાનને બોલ્ડ કર્યો હતો. 

2018માં ભારતે વર્લ્ડ કપમાં પાકિસ્તાનને 203 રનથી હરાવ્યું હતું

આંકડાઓની વાત કરીએ તો ભારતીય જુનિયર ટીમ પાકિસ્તાન પર ભારે પડી રહી છે. ભારતે આ જ ટીમને સપ્ટેમ્બરમાં એશિયા કપમાં હરાવી હતી. 2018માં ભારતે વર્લ્ડ કપમાં પાકિસ્તાનને 203 રનથી હરાવ્યું હતું. જોકે પાકિસ્તાનન ટીમ પણ ખુબ મજબુત છે. પાકિસ્તાનના ફાસ્ટ બોલર્સ અબ્બાસ આફ્રીદી, મોહમ્મદ આમીર ખાન અને તાહિર હુસૈન ભારતીય બેસ્ટમેન પર ભારે પડી શકે છે.