AUSvsIND: ભારતે ઓસ્ટ્રેલિયાને 6 વિકેટથી હરાવ્યું સીરીઝ 1-1થી ડ્રો

સિડનીઃ ટીમ ઇન્ડિયાએ ઓસ્ટ્રેલિયાને સિડની ક્રિકેટ ગ્રાઉન્ડમાં રમાયેલ ત્રીજી અને છેલ્લા ટી-20 મુકાબલામાં 6 વિકેટથી હરાવી 3 મેચોની ટી-20 સીરીઝ 1-1થી બરાબર કરી લીધી. ટોસ જીતીને પહેલા બેટિંગ કરતા ઓસ્ટ્રેલિયાની ટીમે 20 ઓવરમાં 6 વિકેટ ગુમાવીને 164 રન બનાવ્યા અને ટીમ ઇન્ડિયાને સીરીઝ બરાબર કરવાના પડકાર માટે 165 રનોનો લક્ષ્યાંક આપ્યો.

જવાબમાં ટીમ ઇન્ડિયાએ 19.4 ઓવરમાં 4 વિકેટ ગુમાવીને 168 રન બનાવતા લક્ષ્ય પ્રાપ્ત કરી લીધું. ટીમ ઇન્ડિયા માટે કેપ્ટન વિરાટ કોહલીએ 41 બોલમાં અણનમ 61 રનની ઇનિંગ્સ રમી. કોહલીની ઇનિંગ્સમાં 4 દમદાર ચોક્કા અને 2 છગ્ગા પણ સામેલ છે.

કોહલીએ 65મી ટી-20 મેચમાં કરિયરના 19મી અડધી સદી લગાવી છે. આ સિવાય શિખર ધવન(41)એ પણ મહત્વનું યોગદાન આપ્યું. ઓસ્ટ્રેલિયાએ પ્રથમ ટી-20 મેચમાં જીત મેળવીને 1-0થી આગળ રહ્યું હતું અને બીજી ટી-20 મેચમાં વરસાદ આવી ગયો. ત્રીજી મેચમાં ભારતે જીત મેળવતા સીરીઝ 1-1થી ડ્રો થઇ છે.